09.10.2026 | 10:07
Երեք հայ բռնցքամարտիկներ մեդալ են ապահովել պատանեկան ԵԱ-ում
ՌԴ ՊՆ-ն սկսել է նորակոչիկներին ուղարկել զորքեր․ մինչ այս հայտարարվել էր նրանց պարտադիր նախապատրաստման մասին
Քաղաքականություն
15.11.2022 | 14:38
Ռուսաստանում սկսել են աշնանը զորակոչված ժամկետային զինծառայողներին ուղարկել զորքեր։ Այս մասին հայտնում է Կոմերսանտը՝ ՌԴ ՊՆ-ին հղումով։
Մինչ այս, Պաշտպանության նախարարությունը պնդում էր, որ ժամկետային զինծառայողներին պատերազմ չեն ուղարկի, թեև գարնանը նման դեպքերը հաստատվել էին նույնիսկ Ռուսաստանի իշխանությունների կողմից։
«Նորակոչիկների հիմնական մասը կուղարկվի ուսումնական կենտրոններ՝ չորսից հինգ ամսով իրենց մասնագիտությամբ վերապատրաստվելու։ Զորակոչի ընթացքում յուրաքանչյուր ապագա զինծառայողին տրամադրվում է ձմեռային համազգեստի հավաքածու և բանակային անհրաժեշտ պարագաներ»,- ասված է հաղորդագրությունում։
Զորակոչը Ռուսաստանում մեկնարկել է նոյեմբերի 1-ին՝ սովորականից մեկ ամիս ուշ, քանի որ զինկոմիսարիատները զբաղված էին մոբիլիզացվածներին ռազմաճակատ ուղարկելով։ Զինվորական ծառայության զորակոչվածների հարազատները մտավախություն ունեն, որ իրենց երեխաները կարող են հայտնվել եթե ոչ Ուկրաինայում, ապա սահմանամերձ շրջաններում, որտեղ նրանք կարող են վտանգի ենթարկվել հրետակոծության պատճառով։
Տաթև Ֆռանգյան
