27.07.2026 | 10:40
«Ինտերը» կամային հաղթանակ է տարել ավելացված ժամանակում խփած գոլերի շնորհիվ. ՏԵՍԱՆՅՈՒԹ
«Անկարան չի ընդունում ԱՄՆ ցավակցությունները Ստաբուլի միջադեպի կապակցությամբ»․ Թուրքիայի ՆԳ նախարար
Քաղաքականություն
14.11.2022 | 16:10
Թուրքիայի ներքին գործերի նախարար Սուլեյման Սոլյուն հայտարարել է, որ Անկարան չի ընդունում ԱՄՆ-ի ցավակցությունները Ստամբուլում նախօրեին տեղի ունեցած ահաբեկչության հետ կապված, գրում են թուրքական լրատվամիջոցները։
«Մենք չենք ընդունում և մերժում ենք ԱՄՆ դեսպանատան ցավակցությունները Ստամբուլում ահաբեկչության հետ կապված։ Մենք ստացել ենք մեզ ուղղված հաղորդագրությունը։ Մենք գիտենք՝ ինչ է տեղի ունեցել, մենք վճռականորեն կպատասխանենք»,- ասել է Սոյլուն։
Նա հայտնել է, որ 46 կասկածյալ է ձերբակալվել։ Թուրք պաշտոնյան նաև փորձել է իրադարձություններում ներագրավվել Հունաստանին։
«Ձերբակալվածների թվում կա ահաբեկիչ, որին հրաման է տրվել ֆիզիկապես ոչնչացնել Ստամբուլում պայթյունի հեղինակին։ Ահաբեկչության հետ կապվածները կարող էին այսօր փախչել Հունաստան, սակայն նրանք անմիջապես ձերբակալվել են»,- ասել է թուրք նախարարը։
Հավելենք, որ Թուրքիայի իշխանությունների հաղորդմամբ՝ Ստամբուլի կենտրոնական Իսթիքլալ պողոտայում ահաբեկչությունն իրականացրել է Սիրիայի մի քաղաքացի, որն ուղարկվել է Քոբանի քաղաքից և կապված է Թուրքիայում արգելված Քուրդիստանի աշխատավորական կուսակցության (PKK) հետ։ Նա ձերբակալվել է։
Թուրքիայի իշխանություններն ԱՄՆ-ին մեղադրում են PKK-ի և Սիրիայում նրա մասնաճյուղ YPG-ին աջակցելու համար։
Էմմա Չոբանյան
