09.10.2026 | 13:34
Էդգար Ղազարյանը չորս օրով չվճարվող արձակուրդ է վերցրել
«ԱՄՆ-ը խստորեն դատապարտում է Ստամբուլում տեղի ունեցած բռնությունը». Սպիտակ տուն
Քաղաքականություն
14.11.2022 | 15:26
Սպիտակ տունը հայտարարություն է տարածել՝ դատապարտելով բռնությունները Ստամբուլում, որտեղ պայթյունի հետևանքով զոհվել է առնվազն 6 մարդ, վիրավորվել՝ ավելի քան 80-ը, գրում է VOA-ն։
«Միացյալ Նահանգները խստորեն դատապարտում է Թուրքիայի Ստամբուլ քաղաքում տեղի ունեցած բռնությունը։ Մեր մտքերը վիրավորված մարդկանց հետ են, մեր խորին ցավակցությունն ենք հայտնում զոհվածների ընտանիքներին և մերձավորներին։ Ահաբեկչության դեմ պայքարում մենք կանգնած ենք ՆԱՏՕ-ի մեր դաշնակից Թուրքիայի կողքին»,- ասվում է Սպիտակ տան մամուլի քարտուղար Կարին Ժան-Պիերի հայտարարության մեջ:
Հիշեցնենք, որ նախօրեին Ստամբուլի կենտրոնական Իսթիքլալ պողոտայում պայթյուն էր տեղի ունեցել, որի հետևանքով մահացել է 6 մարդ, 81-ը՝ վիրավորվել։
Թուրքիայի առողջապահության նախարար Ֆահրեթթին Քոջան հայտնել է, որ 81 տուժածներից 39-ն արդեն դուրս է գրվել բժշկական հաստատություններից։ Հոսպիտալացվածներից 5-ը վերակենդանացման բաժանմունքում է։
Տաթև Ֆռանգյան
