07.06.2026 | 15:10
ԱՊՀ դիտորդական առաքելությանը հավատարմագրումից զրկելու դիմում ենք ներկայացրել ԿԸՀ․ «Անկախ դիտորդ». ՏԵՍԱՆՅՈՒԹ
Պայմանագրային զինծառայողները 310 հազար աշխատավարձ կստանան, եթե ատեստավորվեն. Արմեն Խաչատրյան․ ՏԵՍԱՆՅՈՒԹ
Հասարակություն
14.11.2022 | 12:21
«Հայկական բանակի համար ամենալավ տարբերակը պրոֆեսիոնալ բանակ ունենալն է։ Տարիներ շարունակ խոսում էինք այս մասին, բայց դա «հեռավոր երազանք էր թվում»,- Ազգային ժողովում լրագրողների հետ զրույցում ասաց «Քաղաքացիական պայմանագիր» խմբակցության պատգամավոր Արմեն Խաչատրյանը։
«Պրոֆեսիոնալ բանակ ունենալը ենթադրում է շատ մեծ նյութական ծախսեր, դա ենթադրում է շրջադարձային բարեփոխումներ, նաև օրենսդրական փոփոխություններ»,- նշեց պատգամավորը։
Նրա հավաստմամբ՝ Զինված ուժերում բազային կրթությամբ սպաներ չկան։ Այդ դեպքում ինչքան էլ փող ծախսենք լավագույն զինտեխնիկա ունենանք, արդյունք չի լինի։
Պատգամավորն անդրադարձավ նաև պայմանագրային զինծառայողների աշխատավարձին ուղղված միջոցառումնեին՝ նշելով, որ գրեթե որկու անգամ նախատեսվում է բարձրացնել նրանց աշխատավարձը, որը կկազմի մոտ 315 հազար դրամ։
Խաչատրյանը լրագրողների հետ ճեպազրույցում անդրադարձավ նախագծին, որով առաջարկվում է ներդնել պարտադիր զինվորական ծառայությունից պայմանագրայինի անցման «Պաշտպան հայրենյաց» ծրագիրը, նշեց․ «Երբ զինծառայողն ուսումնական զորամասում իր ծառայությունը կավարտի, 6 ամիս հետո նրան հնարավորություն կընձեռվի իր դիմումի համաձայն անցնել պայմանագրային զինծառայության, այսինքն՝ անցնել ատեստավորում, ստանալ բարձր աշխատավարձ, պայմանով, որ 5 տարի պետք է լինի պայմանագրային զինծառայող: 5 տարին ավարտելուց հետո, եթե չի ցանկանում շարունակել կամ ցանկանում է, աշխատավարձից բացի կստանա 5 միլիոն դրամ պատվովճար: Ծախսը կարող է իրականացնել ազատ: Մեր պայմանագրային պրոֆեսիոնալ զինծառայողների թվաքանակը կտրուկ բարձրանալու է: Կարևոր է, որ պայմանագրային զինծառայողների տարիքային շեմն իջեցվի, այսինքն՝ ունենանք 18-25 տարեկան պայմանագրային զինծառայողներ: Գաղտնիք չէ, որ մարտական գործողություններում ամենամեծ արդյունքը ցույց են տալիս այս տարիքի անձինք»։
Մանրամասները՝ տեսանյութում։
