17.08.2026 | 23:08
Զորականում և Ամասիայում շչակներ են փորձարկվելու
5 տարվա ծառայություն․ «Պաշտպան հայրենյաց» ծրագրի շրջանակներում. Պապիկյանը նոր նախագիծ է ներկայացնում․ ՏԵՍԱՆՅՈՒԹ
Քաղաքականություն
14.11.2022 | 12:04
ԱԺ պաշտպանության և անվտանգության հարցերի մշտական հանձնաժողովի նիստի ընթացքում ՀՀ պաշտպանության նախարար Սուրեն Պապիկյանը ներկայացրեց «Զինվորական ծառայության և զինծառայողի կարգավիճակի մասին» փոփոխությունների նախագիծը, որով շարքային և սպայական կազմերի պարտադիր զինվորական ծառայությունից պայմանագրային զինծառայության անցման նոր համակարգ է առաջարկում։
Նախատեսվում է ներդնել «Պաշտպան հայրենյաց» նոր ծրագիրը, որով կդադարեցվի «Ես եմ» ծրագրի գործունեությունը։ Ի դեպ, այս պահին 2 զինծառայող է «Ես եմ» ծրագրի շրջանակներում ծառայում։
«Նոր ծրագիրը` «Պաշտպան հայրենյացը», նախատեսում է շարքային և սպայական կազմերի պարտադիր զինվորական ծառայության առաջին վեց ամիսը լրանալուց հետո կառավարության սահմանված կարգով պայմանագրային զինվորական ծառայություն անցնելու հնարավորություն՝ ծառայության ժամկետը սահմանելով 5 տարի։ Ինչպես նաև պայմանագրի ժամկետը լրանալու կամ առողջական վիճակի պատճառով ոչ պիտանի ճանաչվելու հիմքով ծառայությունից ժամկետից շուտ արձակվելիս նրանց համար սահմանելով պատվո վճար ստանալու իրավունք: Պատվո վճարի չափը նախատեսվում է սահմանել 5 միլիոն դրամ, որը տնօրինվելու է ազատորեն»,- նշեց Պապիկյանը։
Նախարարի խոսքով` պայմանագրային զինծառայությունից հրաժարվելու դեպքում ծառայության ժամկետը չի հաշվարկվելու որպես ժամկետային զինծառայություն, և զինծառայողն ուղարկվելու է պարտադիր զինծառայության` լրացնելու ժամկետային զինծառայության չծառայած մասը։
Պապիկյանը հավելեց, որ «Ես եմ» ծրագրով զինծառայածները, ինչպես նաև 2020-ի ռազմական գործողությունների հետևանքով զոհված զինծառայողների ընտանիքները կստանան 5 մլն դրամ պատվո վճար, որը կարող են ազատ տնօրինել։
Մանրամասները՝ տեսանյութում։
