21.01.2026 | 23:30
Ինչ իրավիճակ է Հայաստանի ճանապարհներին և Լարսում
Խոշոր սուպերմարկետները պետք է լրացուցիչ վճարեն․ տնտեսագետ․ ՏԵՍԱՆՅՈՒԹ
Տնտեսություն
05.06.2018 | 14:15
ՀՅԴ տնտեսական հետազոտությունների գրասենյակի պատասխանատու, տնտեսագետ Սուրեն Պարսյանն այսօր Կառավարության հակակոռուպցիոն գործողությունները թեմայով հանրային քննարկման ընթացքում, անդրադառնալով ԱԱԾ վերջին բացահայտումներին, նշեց, որ ԱԱԾ-ի գործողությունները համակարգված չեն տնտեսական բլոկի հետ, որովհետև գերիշխող դիրք ունեցող տնտեսվարողները պետության մեջ պետություն են դարձել: «Պետք է դրանք լինեն համակարգված մյուս նախարարությունների հետ համահունչ»,- ասաց տնտեսագետը՝ նշելով, որ խոշոր սուպերմարկետների նպատակը եղել է ոչ թե հարկեր չվճարելը, այլ՝ մրցակցային առավելություն ձեռք բերելը։
«Այս մարդկանց նպատակն իրենց մասնաբաժինը ավելացնելն էր։ Սրանից բացի՝ չկա նաև որևէ չափորոշիչ՝ խանութների դասակարգման առումով։ Գույություն չունի որևէ կարգավորում առևտրային օբյեկտների դասակարգման մասով։ Քաղաքի կենտրոնում, չունենալով կանգառի հնարավորություն, սուպերմարկետներ են բացվում՝ խնդիրներ ստեղծելով երթևեկության համար։ Միջազգային փորձը փաստում է, որ խոշոր սուպերմարկետները պետք է լրացուցիչ վճարեն»,- ասաց Սուրեն Պարսյանը։
Անդրադառնալով սուպերմարկետներում գների բարձրացման մասին լուրերին՝ նկատեց, որ ՏՄՊՊՀ-ն պետք է գերիշխող դիրք ունեցողների կողմից չարաշահումները բացահայտի և օրենքով նախատեսված կարգով նորմեր կիրառի առևտրային ցանցերի դեմ։
Մանրամասները՝ տեսանյութում:
