16.09.2026 | 10:44
Եվրահանձնաժողովն իր զեկույցում անդրադարձել է Հայաստանին․ կլինի՞ ՀՀ-ն 2027թ-ի՝ ԵՄ-ի առաջնահերթություններում
Թրամփը նոյեմբերի 15-ին կհայտարարի նախագահի պաշտոնում առաջադրվելու իր մտադրության մասին
Քաղաքականություն
11.11.2022 | 18:10
ԱՄՆ նախկին նախագահ Դոնալդ Թրամփը, չնայած միջանկյալ ընտրություններում հանրապետականների վիճահարույց արդյունքներին, դեռ ծրագրում է պաշտոնապես հայտարարել նոյեմբերի 15-ին նախագահի պաշտոնում առաջադրվելու իր մտադրության մասին, գրել է The Daily Beast-ը՝ հղում անելով իրավիճակին ծանոթ աղբյուրին։
«Նախագահը պատրաստվում է հատուկ հայտարարություն անել երեքշաբթի օրը»,- The Daily Beast-ին ասել է աղբյուրը։ Նրա խոսքով, Թրամփն իր թեկնածությունն առաջադրելու մտադրության մասին կհայտարարի տեղական ժամանակով ժամը 21:00-ին Ֆլորիդայի Մար-ա-Լագոյի իր նստավայրում:
Արևմտյան լրատվամիջոցները նշում են, որ ԱՄՆ միջանկյալ ընտրություններից հետո, որոնք այնքան էլ լավ չանցան, ինչպես ակնկալում էին որոշ հանրապետականներ, կուսակցությունում շատերը երես թեքեցին Թրամփից և այժմ Ֆլորիդայի նահանգապետ Ռոն ԴեՍանտիսին համարում են նախագահի ամենահաջող թեկնածուն։
ԱՄՆ Սենատի և Ներկայացուցիչների պալատի համար Թրամփին աջակցվող թեկնածուները ձախողվեցին, մինչդեռ ԴեՍանտիսը ջախջախիչ հաղթանակ տարավ և վերընտրվեց նահանգապետի պաշտոնում:
Տաթև Ֆռանգյան
