07.10.2026 | 22:33
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
Շատ վատ հետևանքներ կլինեն, եթե դիվանագիտական ճանապարհով այս լարվածությունը չթուլացնենք. Արթուր Հովհաննիսյան․ ՏԵՍԱՆՅՈՒԹ
Քաղաքականություն
11.11.2022 | 17:11
ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը Factor.am-ի հետ զրույցում անդրադարձել է վերջին օրերին Հայաստանի և Ադրբեջանի ղեկավարների միմյանց հասցեին հնչեցրած մեղադրանքներին՝ շեշտելով՝ եթե դիվանագիտական ճանապարհով առկա լարվածությունը չթուլանա, հետևանքները շատ վատ կլինեն։
Հովհաննիսյանը խոսել է նաև խաղաղության պայմանագրի հնարավոր ստորագրման մասին։
«Որևէ մեկը չի ասել, թե խաղաղության պայմանագիր կնքելուց հետո ամեն ինչ խաղաղ է լինելու․․․ Խաղաղության պայմանագիր պետք է երաշխավոր ունենա․․․ Պետք է հնարավորինս ամուր անվտանգության երաշխիքներ ունենանք և կայուն գործընկերներ, որոնք կապահովեն խաղաղության պայմանագրի կյանքի կոչելը։
Եղածներից ամենալավը ռուսական առաջարկն է, որն ընդունելի է հայկական կողմի համար, բայց այն բանակցային գործընթացում կյանքի չի կոչվում, որովհետև կա՛մ ընդունելի չէ Ադրբեջանի կողմից, կա՛մ կյանքի կոչվելու մեխանիզմները չկան»,- նշեց պատգամավորը՝ հավելելով, որ գործընկերների փոխվստահություը շահելու ուղղությամբ անդադար աշխատանք պետք է տանել՝ հաշվի առնելով աշխարհաքաղաքական զարգացումները։
Իշխանական պատգամավորը կայուն խաղաղության հաստատման համար կարևորեց նաև ներքին ռեսուրսների և ուժի առկայությունը։
Մանրամասները՝ տեսանյութում։
