09.10.2026 | 13:34
Էդգար Ղազարյանը չորս օրով չվճարվող արձակուրդ է վերցրել
Մոլդովան պետք է դառնա պաշտպանական դաշինքի մաս, որը կլրացնի ՆԱՏՕ-ին․ ԵԽ նախագահ
Քաղաքականություն
11.11.2022 | 16:46
Մոլդովան պետք է դառնա պաշտպանական դաշինքի մաս, որը կլրացնի ՆԱՏՕ-ին: Այս մասին հայտարարել է Եվրախորհրդարանի (ԵԽ) նախագահ Ռոբերտա Մեցոլան Մոլդովայի նախագահ Մայա Սանդուի հետ բանակցությունների արդյունքներով կայացած մամուլի ասուլիսում, գրում է ՏԱՍՍ-ը։
«Եվրախորհրդարանը շատ հստակ կողմ է արտահայտվել կայուն պաշտպանական և անվտանգային դաշինքին, որը կլրացնի ՆԱՏՕ-ին: Այն կօգնի Մոլդովայի նման երկրներին բարելավել անվտանգությունը և կանխել ավելի մեծ սպառնալիքները», – ասել է նա:
Պաշտոնյայի խոսքով՝ Մոլդովան Ուկրաինայի հետ միասին «կանգնած է շատ լուրջ պատերազմի դեմ և պետք է ուժեղացնի անվտանգության ենթակառուցվածքը»։ Եվրախորհրդարանի ղեկավարը Մոլդովային նաև օգնություն է խոստացել էներգիայի մատակարարումների դիվերսիֆիկացման հարցում։
«Մենք կօգնենք Մոլդովային դիվերսիֆիկացնել իր էներգետիկ ռեսուրսները, ապահովել էներգետիկ անվտանգությունը: Ես ուզում եմ ձեզ վստահեցնել, որ մենք պատրաստ ենք անել ավելին և շարժվել նույնիսկ ավելի արագ, քան արել ենք մինչ այժմ», – հավելել է Մեցոլան:
Ըստ նրա՝ աջակցություն կցուցաբերվի նաև «ապատեղեկատվական արշավի» դեմ պայքարում։
Իր հերթին, Մայա Սանդուն հայտարարել է, որ Մոլդովան օգնության կարիք ունի Ուկրաինայի հակամարտության հետևանքները հաղթահարելու համար, ինչը, նրա խոսքով, ցույց է տվել, որ ԵՄ-ին ինտեգրումը երկրի խաղաղ զարգացման միակ ճանապարհն է։
Տաթև Ֆռանգյան
