13.04.2026 | 12:54
Հունգարիան վերադառնում է եվրոպական ուղի. եվրոպացի առաջնորդները շնորհավորում են Պետեր Մագյարին
Հակառակորդի կրակոցից վիրավորում ստացած զինծառայողին վիրահատել են. ՊՆ
Հասարակություն
11.11.2022 | 13:25
Երեկ երեկոյան ՀՀ ՊՆ-ն հայտնեց, որ հայ-ադրբեջանական սահմանագոտու արևելյան հատվածում տեղակայված մարտական դիրքում հակառակորդի կրակոցից հրազենային վիրավորում է ստացել ՀՀ ՊՆ N զորամասի զինծառայող, շարքային Պ. Խ.-ն: ՊՆ մամուլի քարտուղար Արամ Թորոսյանը Factor.am-ին հայտնեց, որ զինծառայողը վիրահատվել է, նրա կյանքին վտանգ չի սպառնում։ «Վիրահատությունը բարեհաջող է անցել: Այս պահի դրությամբ զինծառայողի կյանքին վտանգ չի սպառնում, հոսպիտալի բուժանձնակազմի հսկողության տակ է»,- ասաց Թորոսյանը։
Նշենք, որ նոյեմբերի 10-ի լույս 11-ի գիշերը, Ադրբեջանի ԶՈւ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանի արևելյան հատվածում տեղակայված հայկական դիրքերի ուղղությամբ՝ կիրառելով նաև ականանետ: Հայկական կողմը կորուստներ չունի: Ժամը 09:00-ի դրությամբ իրադրությունն առաջնագծում հարաբերականորեն կայուն է:
Արփի Հակոբյան
