09.10.2026 | 13:34
Էդգար Ղազարյանը չորս օրով չվճարվող արձակուրդ է վերցրել
Վրացական և լեհական ընկերությունները համատեղ ԱԹՍ կմշակեն
Քաղաքականություն
11.11.2022 | 17:19
Լեհական WB Electronics ընկերությունը և վրացական Delta պետական ռազմագիտատեխնիկական կենտրոնը ստեղծել են «Delta-WB» համատեղ ձեռնարկություն, որը շուտով կսկսի անօդաչու թռչող սարքերի (ԱԹՍ) արտադրությունը։ Այս մասին հայտնել են Վրաստանի Պաշտպանության նախարարության մամուլի ծառայությունից, գրում է ՏԱՍՍ-ը։
«Delta International-ի և լեհական WB Electronics ընկերության միջև կնքված համաձայնագրի հիման վրա ստեղծվել է վրաց-լեհական «Delta-WB» ձեռնարկությունը: Այս ձեռնարկությունում վրացի և լեհ մասնագետները կաշխատեն անօդաչու թռչող սարքեր ստեղծելու ուղղությամբ»,- ասվում է զեկույցում:
Վրաստանի ռազմական գերատեսչությունն առանձին ընդգծել է, որ մոտ ժամանակներս կթողարկվի վրացական առաջին անօդաչու թռչող սարքը։ Բացի այդ, Վրաստանում կստեղծվի անօդաչու թռչող սարքերի կիրառումն ուսուցանող զինվորականների պատրաստման կենտրոն։
Տաթև Ֆռանգյան
