30.10.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
ՌԴ-ն G20-ում գաղափարներ կհնչեցնի Թուրքիայի հետ գազային համագործակցության և հացահատիկի մատակարարումների վերաբերյալ
Քաղաքականություն
10.11.2022 | 20:51
Ինդոնեզիայում կայանալիք G20 գագաթնաժողովի շրջանակում Ռուսաստանը կհայտարարի պարենի և էներգետիկայի ոլորտում մի շարք նախաձեռնությունների մասին, ներառյալ՝ Թուրքիայի հետ գազային համագործակցության զարգացումը և հացահատիկի և պարարտանյութերի մեծ խմբաքանակների մատակարարումը: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։
«ՌԴ-ն կհաստատի իր պատրաստակամությունը՝ մնալու արտաքին շուկաներ պարենային ապրանքների և էներգառեսուրսների հուսալի մատակարար՝ առևտրային և հումանիտար հիմունքներով, սակայն մերժելով գնային և այլ արտաքին ճնշումների փորձերը։ Նախատեսվում է հայտարարել մի շարք կոնկրետ նախաձեռնությունների մասին, այդ թվում՝ Թուրքիայի հետ գազային համագործակցության ամրապնդումը, հացահատիկի և պարարտանյութերի մեծ խմբաքանակների մատակարարման կազմակերպումը»,- ասել է Զախարովան։
Նա նաև հավելել է, որ ՌԴ-ն գագաթնաժողովին ներկայացնելու է ԱԳ նախարար Սերգեյ Լավրովը, որը մասնակցելու է լիագումար նիստերին և մի շարք երկկողմ հանդիպումներ է ունենալու միջոցառման շրջանակում։
Հավելենք, որ ՌԴ-ն Թուրքիային առաջարկել է գազային հանգույց ստեղծել՝ նաև Եվրոպա մատակարարումների համար։
Էմմա Չոբանյան
