13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Կենսաբանության միջազգային օլիմպիադայի անցկացման համար ձեռք բերված համակարգիչները կտրամադրվեն քոլեջներին և ուսումնարաններին
Հասարակություն
10.11.2022 | 15:47
ՀՀ կառավարության նոյեմբերի 10-ի որոշմամբ նախնական (արհեստագործական) և միջին մասնագիտական պետական ուսումնական հաստատությունները կհամալրվեն համակարգչային տեխնիկայով. տեղեկացնում են ՀՀ ԿԳՄՍՆ-ից։
«Նախատեսվում է ուսումնական հաստատություններին տրամադրել հուլիսի 10-18-ը Հայաստանում կայացած Կենսաբանության 33-րդ միջազգային օլիմպիադայի անցկացման նպատակով ձեռք բերված 320 դյուրակիր համակարգիչները:
Նախարարության կողմից իրականացվել է ուսումնասիրություն ուսումնական հաստատություններում առկա համակարգիչների քանակի, ուսանողների թվի և ըստ կուրսերի՝ խմբերի քանակի վերաբերյալ: Հաշվի առնելով, որ նախնական (արհեստագործական) և միջին մասնագիտական պետական ուսումնական հաստատություններին տարիներ շարունակ չեն հատկացվել համակարգիչներ, նախարարությունը նպատակահարմար է համարել Կենսաբանության միջազգային օլիմպիադայի ավարտից հետո համակարգչային տեխնիկան տրամադրել առավել քիչ համակարգիչ ունեցող քոլեջներին և ուսումնարաններին: Հաշվի առնելով նոր համակարգիչների տեխնիկական հզորությունը՝ մեկական համակարգիչ նախատեսվել է տրամադրել մյուս ուսումնական հաստատություններին, որոնց միջոցով հաստատության վերաբերյալ տեղեկատվությունը կմուտքագրվի կրթության կառավարման տեղեկատվական համակարգ»,- ասված է հաղորդագրությունում։
