17.08.2026 | 23:08
Զորականում և Ամասիայում շչակներ են փորձարկվելու
Հնարավոր է՝ անփութություն է տեղի ունեցել. Փամբուխչյանը՝ ՔՊ վարչության ընտրության վերահաշվարկի մասին․ ՏԵՍԱՆՅՈՒԹ
Քաղաքականություն
10.11.2022 | 15:23
«ՔՊ Վարչության նսիտից հետո որոշվեց վերահաշվարկ կատարել, վերահաշվարկը կատարվեց և ձայների որոշակի փոփոխություն եղավ»,- այս մասին ԱԺ-ում լրագրողների հետ զրույցում նշեց ԱԻ նախարար Արմեն Փամբուխչյանը՝ անդրադառնալով վարչության ընտրություններում սխալ հաշվարկի մասին տեղեկությանը։
Հիշեցնենք՝ վերահաշվարկի արդյունքում պարզվել է, որ «Քաղաքացիական պայմանագրի» խորհրդարանական խմբակցության ղեկավար Հայկ Կոնջորյանը և փոխվարչապետ Համբարձում Մաթևոսյանը ավելի քիչ ձայն են ստացել, քան պատգամավոր Արսեն Թորոսյանն ու ԱԻՆ նախարար Արմեն Փամբուխչյանը։
«Իմ սուբյեկտիվ կարծիքով՝ հնարավոր է անփութություն է եղել, քանի որ 1000-ից ավելի քվեաթերթիկ է եղել, բոլոր քվեաթերթիկներում 15 հոգու անուն է եղել, և մուտքագրողները եղել են 20 հոգի, ու թվաբանության մեջ հնարավոր է շեղումներ են եղել․ ամեն մեկը եթե անգամ մեկ սխալ թույլ տար, 20 տարբերություն կարելի էր գտնել»,- նշեց Փամբուխչյանը։
Նա նաև հավելեց, որ ո՛չ հաստատում, ո՛չ էլ հերքում է, որ կեղծիք է տեղի ունեցել։ «Բնականաբար մենք պետք է որոշակի, այսպես ասած, քննություն կատարենք, որպեսզի վերջնական հասկանանք՝ ինչ է տեղի ունեցել։ Բոլորը մեր թիմակիցներն են՝ այսինքն՝ այնտեղ ՔՊ-ականներ են եղել, և կարծում եմ՝ անփութության հետևանք էր դա»,- նշեց ԱԻ նախարարը։
Մանրամասները՝ տեսանյութում։
