18.08.2026 | 11:45
Բեն Լադենին պատրաստվո՞ւմ եք «արդար» անվանել, «անմեղ նահատակ»․ ԱԺ-ում իրավիճակը լարվեց․ ՏԵՍԱՆՅՈՒԹ
ԵՄ-ն երկարաձգել է Թուրքիայի դեմ պատժամիջոցները՝ Արևելյան Միջերկրականում գործունեության հետ կապված
Քաղաքականություն
10.11.2022 | 15:15
Եվրոպական խորհուրդը որոշել է երկարաձգել Թուրքիայի դեմ պատժամիջոցները Արևելյան Միջերկրականում անօրինական հորատումների պատճառով, գրում է Middle East Monitor-ը։
Պատժամիջոցները կգործեն ևս մեկ տարի՝ մինչև 2023 թվականի նոյեմբերի 12-ը։
«Եվրամիությունը կպահպանի իր կարողությունը՝ նպատակաուղղված սահմանափակող միջոցներ կիրառելով այն անձանց կամ կազմակերպությունների նկատմամբ, որոնք պատասխանատու են կամ ներգրավված են Արևելյան Միջերկրական ծովում ածխաջրածինների հորատման չարտոնված գործունեության մեջ»,- ասվում է հայտարարության մեջ։
Պատժամիջոցները ներառում են ԵՄ մուտքի արգելք, ինչպես նաև «Turkish Petroleum»-ի խորհրդի անդամ և գլխավոր տնօրենի տեղակալ Մեհմեթ Ֆերուհ Աքալընի և «TPAO» հետախուզական վարչության փոխտնօրեն Ալի Քոսքուն Նամօղլուի ակտիվների սառեցում։
ԵՄ հայտարարության համաձայն՝ այս երկու անձինք են պատժամիջոցների տակ, քանի որ նրանք են պատասխանտու «Արևելյան Միջերկրական ծովում ածխաջրածինների որոնողական աշխատանքների ծրագրման, կառավարման և իրականացման համար»:
Հավելենք, որ Թուրքիայի ապօրինի հորատումները հանգեցրել են Կիպրոսի և Հունաստանի, ինչպես նաև ԵՄ-ի հետ վեճի։
Եվրամիությունը դեռ 2019 թվականին է պատժամիջոցներ սահմանել Թուրքիայի դեմ՝ «վերահաստատելով իր լիակատար համերաշխությունը Կիպրոսի հետ՝ կապված նրա ինքնիշխանության և ինքնիշխան իրավունքների հարգման հետ»:
Էմմա Չոբանյան
