18.08.2026 | 11:45
Բեն Լադենին պատրաստվո՞ւմ եք «արդար» անվանել, «անմեղ նահատակ»․ ԱԺ-ում իրավիճակը լարվեց․ ՏԵՍԱՆՅՈՒԹ
Ինչ հարցեր է քննարկել Պատրուշևն Իրանում
Քաղաքականություն
10.11.2022 | 15:39
Ռուսաստանի նախագահ Վլադիմիր Պուտինի գլխավոր դաշնակիցներից մեկը հանդիպել է Իրանի նախագահ Էբրահիմ Ռաիսիի հետ՝ առևտրի և անվտանգության ոլորտում համագործակցության խորացման այցի շրջանակում։ Ռուսաստանի Անվտանգության խորհրդի քարտուղար Նիկոլայ Պատրուշևի այցը վկայում է Իրանի՝ որպես գործընկերոջ և զենք մատակարարողի կարևորության մասին, այն ժամանակ, երբ Մոսկվան մեկուսացված է Արևմուտքի պատժամիջոցներով և բախվում է Ուկրաինայի ուժեղ ռազմական ճնշմանը, գրում է VOA-ն:
Ուկրաինայում Ռուսաստանի «հատուկ ռազմական գործողության» ֆոնին, որն արդեն իններորդ ամիսն է՝ շարունակվում է, Ռաիսին և Պատրուշևը քննարկել են «անվտանգության ոլորտում ռուս-իրանական համագործակցության տարբեր հարցեր, ինչպես նաև մի շարք միջազգային խնդիրներ», գրում է «Ինտերֆաքսը»։
Ռուսական պետական լրատվամիջոցները հաղորդում են, որ Պատրուշևը և իր իրանցի գործընկեր Ալի Շամխանին քննարկել են Ուկրաինայում ստեղծված իրավիճակը և երկու երկրների ներքին գործերին «արևմտյան միջամտության» դեմ պայքարի միջոցները։
NourNews կայքը, որը կապված է Իրանի անվտանգության բարձրագույն մարմնի հետ, հաղորդում է, որ Շամխանին կոչ է արել խորացնել երկկողմ հարաբերությունները բոլոր ոլորտներում՝ էներգետիկից մինչև բանկային:
Տաթև Ֆռանգյան
