27.02.2026 | 18:27
Մայր Աթոռը` Սահակ Բ-ի առաջարկով` Գևորգ եպիսկոպոսին կարգալույծ անելու տեղեկության մասին
Վրաստան-ԵՄ ասոցացման համաձայնագրի կատարման զեկույցը հավանության է արժանացել
Քաղաքականություն
09.11.2022 | 23:07
Եվրախորհրդարանի արտաքին կոմիտեն ձայների 47 կողմ, 5 դեմ, 2 ձեռնպահ հարաբերակցությամբ հավանություն է տվել Վրաստանի կողմից ԵՄ Ասոցացման համաձայնագրի կատարման մասին զեկույցին։
Aliq Media-ի հաղորդմամբ՝ եվրախորհրդարաննների հավանությանն է արժանացել նաև այն ուղղումը, որը խոսում է անազատության մեջ գտնվող նախկին նախագահ Միխեիլ Սաակաշվիլիի առողջական վիճակի մասին։
Ավելի կոնկրետ, զեկույցի փոփոխված տարբերակում ասվում է, որ նախկին նախագահ Միխեիլ Սաակաշվիլին, ում առողջական վիճակը հետզհետե վատանում է, դեռևս տառապում է խնամքի պակասից, ինչը վտանգ է ներկայացնում նրա կյանքի համար։
Թբիլիսիի քաղաքապետ Կախա Կալաձեն հայտարարել է, որ Եվրախորհրդարանի բանաձևն իր բովանդակությունից ելնելով արժեք չունի։ Այդ մասին նա հայտարարել է՝ խոսելով Եվրախորհրդարանի արտաքին հարաբերությունների հանձնաժողովի կողմից Վրաստան-ԵՄ ասոցացման համաձայնագրի կատարման վերաբերյալ տարեկան զեկույցի վերանայված տարբերակի ընդունման մասին։
«Սա առաջին անգամը չէ, երբ նմանատիպ բանաձև է ընդունվում։ Շատ ցավալի է, որ բանաձևում արձանագրված են մի շարք սխալ հարցեր, և ուղղակիորեն կարելի է ասել, որ այդ բանաձևը իր բովանդակությունից ելնելով արժեք չունի։ Որովհետև մեր երկրի բնակչությունը շատ լավ գիտի, թե ով է Բիձինա Իվանիշվիլին, ինչ է արել այդ մարդը մեր հայրենիքի, ժողովրդի համար։
Ինչ վերաբերում է եվրոպական ուղուն, ապա կառավարությունն ամեն ինչ անելու է, որ Վրաստանը հնարավորինս արագ դառնա եվրոպական ընտանիքի անդամ», — ասել է քաղաքապետը։
