07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Աքարը հայտարարել է, որ Անկարան աջակցում է «եղբայրներ Ադրբեջանի, Հյուսիսային Կիպրոսի և Լիբիայի արդար պայքարին»
Քաղաքականություն
09.11.2022 | 22:34
Թուրքիայի պաշտպանության նախարար Հուլուսի Աքարը Մուսթաֆա Քեմալ Աթաթուրքի մահվան տարելիցի կապակցությամբ ուղերձ է հրապարակել, որում խոսել է Ադրբեջանին ցուցաբերվող աջակցության մասին, գրում են թուրքական լրատվամիջոցները։
Նա իր ուղերձում նշել է, որ Թուրքիան շարունակում է շարժվել «Աթաթուրքի ցույց տված ճանապարհով»՝ ապահովելով նաև երկրի անվտանգությունը։
«Մի կողմից՝ մենք պաշտպանում ենք մեր սահմանները և պայքարում ահաբեկչության դեմ, ինչպիսիք են FETÖ-ը, PKK/PYD-YPG-ն ու ԻԼԻՊ-ը երկրում և նրա սահմաններից դուրս, մյուս կողմից՝ վճռականորեն պաշտպանում ենք մեր իրավունքներն ու շահերը մեր ծովերում և երկնքում։ Միաժամանակ, մեր եղբայրների ու դաշնակիցների, հատկապես՝ Հյուսիսային Կիպրոսի, Ադրբեջանի, Լիբիայի արդար գործին աջակցելուց զատ՝ ՆԱՏՕ-ի, ԵՄ-ի, ԵԱՀԿ-ի, ՄԱԿ-ի շրջանակում և երկկողմ պայմանագրերով Կատարում, Սոմալիում, Կոսովոյում, Բոսնիա և Հերցեգովինայում ու այլ տարածաշրջաններում աշխատելով՝ ներդրում ենք ունենում տարածաշրջանային և համաշխարհային խաղաղությանը»,- ասվում է ուղերձում։
Էմմա Չոբանյան
