12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Ֆրանսիայի Սենատի նախագահի տեղակալն իր աջակցությունն է հայտնել Հայաստանին
Քաղաքականություն
08.11.2022 | 22:27
Այսօր ՀՀ ԱԺ նախագահի տեղակալ Հակոբ Արշակյանը Փարիզում հանդիպել է Ֆրանսիայի Սենատի նախագահի առաջին տեղակալ Ռոժե Կարուչիի հետ: Այս մասին նա հայտնել է ֆեյսբուքյան գրառմամբ։
«Սենատի փոխնախագահը վերահաստատեց Ֆրանսիայի, և մասնավորապես, Սենատի համերաշխությունը և աջակցությունը Հայաստանին և հայ ժողովրդին:
Շնորհակալություն հայտնեցի ջերմ ընդունելության համար և բարձր գնահատեցի Ֆրանսիայի հասցեական, սկզբունքային և անաչառ դիրքորոշումն՝ ինչպես 2020թ 44-օրյա պատերազմի, այնպես էլ սեպտեմբերյան ագրեսիայի ժամանակ և դրան հաջորդող շրջանում:
Մանրամասն ներկայացրեցի սեպտեմբերի 13-ի ադրբեջանական ագրեսիայի՝ Հայաստանի ինքնիշխան տարածք ներխուժման հետևանքները, ընթացող բանակցային գործընթացը և ադրբեջանական իշխանությունների` Հայաստանի ինքնիշխան տարածքի նկատմամբ նկրտումները:
Բարձր գնահատելով ադրբեջանական վերջին ագրեսիան դատապարտող բանաձևի մշակումը և նոյեմբերի 15֊ին նախատեսվող քվեարկության նախաձեռնությունը, միևնույն ժամանակ ընդգծեցի Հայաստանի Հանրապետությանը աջակցության ցուցաբերման կարևորությունը, ինչը կնպաստի տարածաշրջանում հավասարակշռության և կայուն խաղաղության հաստատմանը:
Հանդիպման ավարտին գործընկերոջս հրավիրեցի այցելել Հայաստան»,-նշված է Արշակյանի գրառման մեջ:
