27.06.2026 | 19:03
ԲՀԿ-ի համար ակնհայտ է՝ որևէ հաշվարկի դեպքում 4%-ի շեմը չի կարող համարվել հաղթահարված. Սուրեն Գրիգորյան․ ՏԵՍԱՆՅՈւԹ
Իրանն ու Ռուսաստանը համատեղ նավթային խողովակաշար կկառուցեն
Քաղաքականություն
08.11.2022 | 21:15
Իրանական «Մուսթազաֆան» հիմնադրամի հետ փոխկապակցված Sina Energy Gostar հոլդինգի գործադիր տնօրենը հայտարարել է, որ հոլդինգը ծրագրում է նավթամուղ կառուցել՝ ռուսական ընկերությունների աջակցությամբ նավթամթերքի տեղափոխման համար, գրում է Mehr news-ը։
Մոհամմադ Զիյարը ներկայացրել է փաստաթղթի մանրամասները, որը ստորագրվել է Իրանի նավթի նախարար Ջավադ Օուջիի՝ վերջերս Ռուսաստան կատարած այցի ժամանակ՝ «Տաբաշ» խողովակաշար կառուցման վերաբերյալ:
«Այս համագործակցության փաստաթուղթը ստորագրվել է Իրանի և Ռուսաստանի համատեղ տնտեսական հանձնաժողովի նիստում՝ Sina Energy Gostar Holding-ի և Promsyrieimport պետական ընկերության միջև։ Ձեռք բերված պայմանավորվածությունների հիման վրա «Տաբաշ» խողովակաշարը պետք է կառուցեն համատեղ այս երկու ընկերությունները։ Բանակցությունների հիման վրա այս 948 կմ երկարությամբ խողովակաշարը, որը ձգվելու է Ռաֆսանջանից Մաշհադ, կունենա երկու պոմպակայան և երեք տերմինալ»,- հայտարարել է նա։
Պաշտոնյան նշել է, որ այս նախագծի իրականացումը կտևի չորս տարի։ Որոշվել է, որ ռուսները ֆինանսական միջոցներ կտրամադրեն այս նախագծի համար։
«Այս խողովակաշարի շահագործմամբ հնարավոր կլինի տեղափոխել օրական 150 հազար բարել ծավալով նավթամթերք»,- ասել է Զիյարը։
Տաթև Ֆռանգյան
