15.12.2024 | 20:28
Վարազդատ Լալայանը՝ ծանրամարտի աշխարհի չեմպիոն. Armsport.am
Զելենսկին և Պուտինը կմասնակցեն G20-ի գագաթնաժողովին, եթե «իրավիճակը թույլ տա». Bloomberg
Քաղաքականություն
08.11.2022 | 16:32
Ուկրաինայի նախագահ Վլադիմիր Զելենսկին և ՌԴ նախագահ Վլադիմիր Պուտինը հայտարարել են նոյեմբերի 15-16-ը կայանալիք G20-ի գագաթնաժողովին իրենց հնարավոր մասնակցության մասին։ Այս մասին հայտարարել է Ինդոնեզիայի նախագահ Ջոկո Վիդոդոն, գրում է Bloomberg-ը։
Նա նշել է, որ Զելենսկին և Պուտինը «կգան, եթե իրավիճակը թույլ տա», նշում է պարբերականը։
Հաղորդվում է նաև, որ գագաթնաժողովին իրենց մասնակցությունը հաստատել են 17 պետությունների ղեկավարներ, այդ թվում՝ ԱՄՆ նախագահ Ջո Բայդենը և Չինաստանի ղեկավար Սի Ցզինպինը։
«Ինդոնեզիան, որն առաջին անգամ է նախագահում G20-ը, հորդորում է լիարժեք ներկայություն ունենալ՝ Ուկրաինայում աճող աշխարհաքաղաքական լարվածության և պատերազմի ֆոնին իր միջազգային հեղինակությունը բարձրացնելու համար»,- ասվում է Bloomberg-ի հրապարակման մեջ:
Տաթև Ֆռանգյան
