09.09.2026 | 17:55
Մոլդովայում Ադրբեջանի քաղաքացի է ձերբակալվել․ նա կասկածվում են ՌԴ ԱԴԾ-ի համար աշխատելու մեջ
«Ամեն հաչող շան հետևից, որ քար նետես՝ տեղ չես հասնի». Արփի Դավոյանը մեջբերեց Չերչիլի խոսքերը․ ՏԵՍԱՆՅՈՒԹ
Քաղաքականություն
08.11.2022 | 13:52
«Մամուլը գրում է այն, ինչի մասին պատվեր է ստանում»,- խորհրդարանում լրագողների հետ զարույցում այս կարծիքն է հայտնել իշխանական պատգամավոր Արփի Դավոյանը՝ անդրադառնալով մամուլի այն հրապարակումներին, որոնց համաձայն՝ Դավոյանը եղել է ՔՊ վարչության ընտրությունների կազմակերպչական պատասխանատուն և ազդեցություն է գործել հաշվիչ հանձնաժողովի վրա։
«Նման պնդումներ անող մամուլի ներկայացուցիչների հետ կհանդիպենք համապատասխան հարթակում, որտեղ նրանք կապացուցեն իրենց ասածի ճշմարտացիությունը, դա իրավական հարթակն է»,- ասաց պատգամավորը։
Դավոյանը մեջբերեց Չերչիլի խոսքերը․ ««Ամեն հաչող շան հետևից որ քար նետես, տեղ չես հասնի»: Այդքան բան կասեմ, այլ բան չունեմ ավելացնելու»։
Անդրադառնալով երեկ ՔՊ-ական պատգամավորների և վարչապետ Նիկոլ Փաշինյանի փակ հանդիպմանը, նաև հարցին՝ քննարկվե՞լ է արդյոք ՔՊ վարչության կազմի ընտրությունը, դրա շուրջ առաջացած սկանդալը, նա ասաց, որ փակ հանդիպումից մանրամասներ չի կարող հայտնել:
«Եղել են թերություններ, եղել է վերահաշվարկ, որի մասին բազմաթիվ հայտարարություններ են եղել: Եղել է վերահաշվարկ, ինչը ժողովրդավարության ցուցիչ է»,- հավելեց Դավոյանը:
Մանրամասները՝ տեսանյութում։
