25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Չավուշօղլուն հայտնել է, որ Թուրքիան և ՄԱԿ-ը համակարգում են աշխատանքը՝ ՌԴ-ից պարենի արտահանում սկսելու համար
Քաղաքականություն
08.11.2022 | 17:03
Թուրքիան և ՄԱԿ-ը համակարգում են աշխատանքը, որ արդարացնեն Ռուսաստանի սպասելիքները հացահատիկային գործարքի շրջանակում՝ նրա պարենի և պարարտանյութերի արտահանումը սկսելու համար։ Այս մասին հայտարարել է Թուրքիայի ԱԳ նախարար Մևլութ Չավուշօղլուն խորհրդարանում 2023 թվականի բյուջեի լսումների ժամանակ, գրում է ՏԱՍՍ-ը։
«ՄԱԿ-ի գլխավոր քարտուղարը բանակցություններ է վարում ռուսական հացահատիկի և պարարտանյութերի արտահանման խոչընդոտները վերացնելու համար։ Ռուսական հացահատիկի և պարարտանյութի արտահանման խոչընդոտներն ամբողջությամբ չեն վերացվել: Մենք գնահատում ենք՝ ինչ քայլեր են ձեռնարկվելու Ռուսաստանի ակնկալիքները բավարարելու համար, գնահատում և համակարգում ենք աշխատանքը»,- ասել է Չավուշօղլուն։
Նա նաև նշել է, որ կողմերի համաձայնության դեպքում հացահատիկային գործարքը կերկարաձգվի։
Ավելի վաղ Թուրքիայի ՊՆ ղեկավար Հուլուսի Աքարը հայտարարել էր, որ Անկարան կառաջարկի մեկ տարով երկարաձգել գործարքը, որի ժամկետն ավարտվում է նոյեմբերի 19-ին։
Էմմա Չոբանյան
