Քաղաքականություն
08.11.2022 | 13:43
Ուկրաինայի նախագահ Վլադիմիր Զելենսկին հերթական անգամ հիշեցրել է Ռուսաստանի հետ բանակցություններ սկսելու պայմանների մասին։ Եգիպտոսում ելույթ ունենալով կլիմայական գագաթնաժողովում՝ Ուկրաինայի նախագահ Վլադիմիր Զելենսկին հայտարարել է, որ յուրաքանչյուր ոք, ով լրջորեն է վերաբերվում կլիմայի փոփոխությանը, «պետք է նաև լրջորեն մտածի ռուսական ագրեսիան անհապաղ դադարեցնելու, Ուկրաինայի տարածքային ամբողջականությունը վերականգնելու և Ռուսաստանին իրական խաղաղ բանակցությունների մղելու անհրաժեշտության մասին», գրում է VOA-ն։
«Այն բանակցություններին, որոնք մենք բազմիցս առաջարկել ենք, և որոնց մենք միշտ ստացել ենք ռուսական խելահեղ պատասխաններ՝ նոր ահաբեկչություններով, հրետակոծություններով կամ շանտաժով։ Եվս մեկ անգամ՝ տարածքային ամբողջականության վերականգնում, ՄԱԿ-ի կանոնադրության հարգանք, պատերազմի պատճառած բոլոր վնասների փոխհատուցում, յուրաքանչյուր պատերազմական հանցագործության պատժում և երաշխիքներ, որ դա այլևս չի կրկնվի։ Դրանք միանգամայն հասկանալի պայմաններ են»,- ասել է Վլադիմիր Զելենսկին։
Տաթև Ֆռանգյան
