09.10.2026 | 13:26
Արթիկի նախկին մանկապարտեզի 2003-ի աճուրդը անվավեր է ճանաչվել․ համայնքին կվճարվի 12.4 մլն դրամ
Բայրամովը՝ Բլինքենի ու Միրզոյանի հետ եռակողմ հանդիպման մասին
Քաղաքականություն
08.11.2022 | 11:25
Ադրբեջանի ԱԳՆ-ն առայժմ պաշտոնական հաղորդագրություն չի տարածել նախօրեին Վաշինգտոնում կայացած ԱՄՆ պետքարտուղար Էնթոնի Բլինքենի, ՀՀ-ի և Ադրբեջանի ԱԳ նախարարներ Արարատ Միրզոյանի ու Ջեյհուն Բայրամովի եռակողմ հանդիպման արդյունքների վերաբերյալ, սակայն Ադրբեջանի արտաքին գերատեսչության ղեկավար Ջեյհուն Բայրամովը թվիթերյան գրառում է արել։
«ԱՄՆ պետքարտուղար Էնթոնի Բլինքենի նախաձեռնությամբ Վաշինգտոնում հանդիպեցի Հայաստանի ԱԳ նախարար Արարատ Միրզոյանի հետ։ Ես ևս մեկ անգամ վերահաստատեցի Ադրբեջանի հանձնառությունն ու պատրաստակամությունը խաղաղությա համաձայնագրի շուտափույթ կնքմանը և կոչ արեցի զերծ մնալ գործողություններից, որոնք կխաթարեն գործընթացը»,-գրել է Բայրամովը։
Հիշեցնենք՝ որ եռակողմ հանդիպումից հետո ՀՀ ԱԳՆ-ն արդեն իսկ հանդես է եկել պաշտոնական հաղորդագրությամբ, իսկ ԱՄՆ Պետքարտուղարությունը հրապարակել է Էնթոնի Բլինքենի բացման խոսքը բանակցություններին ընդառաջ։
Էմմա Չոբանյան
