07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Թուրքիայի միակ հայկական գյուղի կանայք կմասնակցեն խոհարարական դասընթացների
Քաղաքականություն
04.06.2018 | 20:28
Թուրքիայի զարգացման նախարարության աջակցությամբ սահմանամերձ Հաթայ քաղաքում բացվել են խոհարարական դասընթացներ, որոնք ընթանալու են «Պատմությունից եկած համեր» խորագրի ներքո. տեղեկացնում է ermenihaber-ը:
Ընդհանուր 550 ժամ տևող դասընթացներին Հաթայի Սամանդաղ շրջանում գտնվող հայկական Վաքըֆլը գյուղից մասնակցելու է 28 կին։ Ի դեպ, Վաքըֆլըն Թուրքիայի միակ հայկական գյուղն է։
Դասընթացների ժամանակ հայ կանայք պատրաստելու են ավանդական տոլմա և մի շարք այլ ուտեստներ:
Նշյալ ծրագրին իր աջակցությունն է հայտնել Հաթայում գտնվող հայկական ուղղափառ եկեղեցու հիմնադրամը։ Վերջինիս նախագահ Ջեմ Չափարի խոսքերով՝ այս նախագծի համար հայկական եկեղեցուն հատկացվել է 198.000 թուրքական լիրա (մոտ 42.000 դոլար)։
