31.10.2026 | 10:07
ՀՀ տարածքում ավտոճանապարհներն անցանելի են
NASAMS և Aspide զենիթահրթիռային համակարգերը հասել են Ուկրաինա
Քաղաքականություն
07.11.2022 | 18:16
NASAMS և Aspide զենիթահրթիռային համակարգերը հասել են Ուկրաինա։ Այս մասին Twitter-ի իր միկրոբլոգում հայտնել է Ուկրաինայի ՊՆ ղեկավար Ալեքսեյ Ռեզնիկովը, գրում է focus.ua-ն։
Ռեզնիկովն իր միկրոբլոգում չի հստակեցրել, թե կոնկրետ երբ է իրականացվել արևմտյան զինատեսակների մատակարարումը, սակայն հավելել է, որ ժամանած ԶՀՀ համակարգերը զգալիորեն կամրապնդեն Ուկրաինայի հակաօդային պաշտպանությունը։
«Տեսեք՝ ովքեր են այստեղ։ Այս սպառազինությունը զգալիորեն կամրապնդի ուկրաինական բանակն ու մեր երկինքն ավելի ապահով կդարձնի։ Մենք կշարունակենք խոցել թշնամու թիրախները, որոնք գրոհում են մեզ»,- գրել է Ալեքսեյ Ռեզնիկովը։
ՊՆ ղեկավարն առանձնահատուկ շնորհակալություն է հայտնել նաև Նորվեգիային, Իսպանիային և ԱՄՆ-ին՝ NASAMS և Aspide զենիթահրթիռային համակարգեր ուղարկելու համար։
Տաթև Ֆռանգյան
