15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Սերժ Սարգսյանն ասաց` Քոչարյանը 320 ընտանիքի տուն չի տվել. Խաչատուր Սուքիասյան․ ՏԵՍԱՆՅՈՒԹ
Քաղաքականություն
07.11.2022 | 14:44
ԱԺ-ում լրագրողների հետ ճեպազրույցում «Քաղաքացիական պայմանագիր» խմբակցության պատգամավոր Խաչատուր Սուքիասյանին զայրացրեց լրագրողի այն դիտարկումը, որ այս օրերին, երբ խոսվում է «Ապօրինի գույքի բռնագանձման մասին» օրենքը կիրառելու գործողությունների մասին, Գլխավոր դատախազությունը դատական կարգով վիճարկում է Երևանի կենտրոնում գտնվող «Սիլ պլազա» բիզնես կենտրոնի սեփականաշնորհման օրինականությունը։
«Դուք 5-րդ ալիքից եք, չէ՞, դուք անհարմար չե՞ք զգում, ապօրինի գույքը ձեր էս ալիքի սեփականատիրոջն է,- բղավեց պատգամավորը։- Մենք ամեն ինչ ձեռք ենք բերել բիզնեսով: Ձեզ հարց եմ տալիս՝ ձեր սեփականատերը՝ գող, ավազա՜կ, կյանքում ոչ մի բան չի արել էս երկրի համար, ոչ մի բիզնեսի մեջ չի եղել, միլիարդավոր դոլարներ ունի: Դուք դրա իրավունքը չունեք լրատվություն կոչվելու, դուք՝ ձեր Ռոբերտ Քոչարյանի ու մնացածի հետ գնացե՛ք էդ միլիարդները բերե՛ք:
400-500 բնակարան… մարդիկ մնացել են առանց բնակարանի, Հյուսիսային պողոտան կառուցվել է: Ինձ մյուս նախագահն է ասել։ Սերժ Սարգսյանն ասել է, որ 320 բնակարան Ռոբերտ Քոչարյանից հետո մնացել է մեզ, մարդիկ առանց բնակարան են մնացել, ասում է՝ մենք ենք առել, տվել դա»:
Մանրամասները՝ տեսանյութում։
