16.01.2026 | 18:34
Տիմոշենկոյի նկատմամբ խափանման միջոց է ընտրվել գրավը
Գեղարքունիքում ԵՄ դիտորդներն արձանագրել են՝ Ադրբեջանի կողմից կան օկուպացված տարածքներ. մարզպետ․ ՏԵՍԱՆՅՈՒԹ
Քաղաքականություն
07.11.2022 | 13:06
Գեղարքունիքում սահմանին հրադադարի խախտումներ արձանագրվել են, բայց վերջին օրերին ակնհայտ նվազել են դրանք։ Ազգային ժողովում լրագրողների հետ զրույցում այս մասին նշեց Գեղարքունիքի մարզպետ Կարեն Սարգսյանը։
«Ամեն դեպքում, դիտորդներն իրենց պարեկային գործունեությունն են իրականացնում, ինչը ևս ազդեցություն է թողել, որ հակառակորդի կողմից նվազել են մեր ուղղությամբ կրակոցները», – նշեց մարզպետը։
Սարգսյանի խոսքով՝ Գեղարքունիքում ութ դիտորդ է առաքելություն իրականացնում, շտաբը գտնվում է Մարտունի քաղաքում։
«ԵՄ դիտորդները Գեղարքունիքում ունեն մեկ շտաբ, բայց աշխատանքը 11 բնակավայրի երկայնքով են իրականացնում։ Ամեն օր դիտարկում են իրականացնում, ամեն օր նոր բացահայտումներ են անում։ Մարզպետարանն ամբողջ իր ունեցած ինֆորմացիան փոխանցել է գործընկերներին, իրենք էլ վստահեցրել են, որ դա որպես զեկույց կներկայացնեն։
Դիտորդների շարքում արդեն կան մարդիկ, ովքեր արձանագրել են ու վստահ են, որ Ադրբեջանի կողմից ագրեսիա է եղել ՀՀ սահմանների ուղղությամբ։
Քարտեզների ու ներկա պահին ադրբեջանական զորքերի գտնվելու հետ կապված իրենք վստահ են, որ Հայաստանից օկուպացված տարածքներ ունենք ու վստահ են, որ դա ադրբեջանական ագրեսիայի արդյունքում է եղել», – ընդգծեց մարզպետը։
Մանրամասները՝ տեսանյութում։
