18.08.2026 | 09:25
ՀՀ տարածքում ավտոճանապարհներն անցանելի են
Հացահատիկային գործարքի վերսկսումից հետո ուկրաինական նավահանգիստներից 6 նավ է դուրս եկել
Քաղաքականություն
07.11.2022 | 14:55
Պարենով բեռնված վեց նավ է դուրս եկել ուկրաինական նավահանգիստներից հացահատիկային գործարքի վերսկսումից հետո։ Այս մասին հայտարարել է Թուրքիայի պաշտպանության նախարար Հուլուսի Աքարը, գրում է ՌԻԱ Նովոստին։
«Հացահատիկային նախաձեռնության վերսկսումից հետո ուկրաինական նավահանգիստներից 6 նավ է դուրս եկել։ Այսպիսով, նավահանգիստը լքած նավերի թիվը կազմում է 426, իսկ փոխադրված հացահատիկը գերազանցում է 9,7 մլն տոննան»,- ասել է Աքարը։
Հիշեցնենք, որ հոկտեմբերի 29-ին ՌԴ հայտարարել էր, որ դուրս է գալիս հացահատիկային գործարքից Ուկրաինայի կողմից Սևաստոպոլի նավատորմի վրա հարձակումների պատճառով։ Սակայն նոյեմբերի 2-ին Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հետ բանակցություններից հետո հայտարարել էր, որ Մոսկվան վերադառնում է գործարքին։
Էմմա Չոբանյան
