23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Ավելի քան 4,5 միլիոն ուկրաինացիներ մնում են առանց էլեկտրամատակարարման․ Զելենսկի
Քաղաքականություն
07.11.2022 | 13:52
Ուկրաինայում կիրակի երեկոյան 4,5 միլիոն սպառող մնացել է առանց էլեկտրականության։ Այս մասին տեսաուղերձում հայտնել է երկրի նախագահ Վլադիմիր Զելենսկին, փոխանցում է korrespondent-ը։
«Այսօր երեկոյան Կիևում և վեց շրջաններում շարունակվում են կայունացման համար էլեկտրաէներգիայի անջատումները: Ավելի քան 4,5 միլիոն սպառողներ մնացել են առանց էլեկտրաէներգիայի, ամենաշատը՝ Կիևում և Կիևի մարզում: Իսկապես դժվար է»,- ասել է նա:
Զելենսկիի խոսքով՝ շաբաթվա ընթացքում մի քանի հատուկ հանդիպումներ է ունեցել պաշտոնյաների, էներգետիկ ընկերությունների ներկայացուցիչների և տարածաշրջանային վարչակազմերի հետ՝ էներգետիկ ոլորտում իրավիճակի հնարավոր տարբերակների վերաբերյալ․ «Մենք մանրամասն դիտարկում ենք յուրաքանչյուր սցենար և պատրաստում արձագանքման գործողություններ»։
Ավելի վաղ հաղորդվել էր, որ երկուշաբթի Կիևում և յոթ շրջաններում հոսանքազրկումներ են սպասվում։
Տաթև Ֆռանգյան
