07.06.2026 | 23:05
Ինչ է կատարվում ՔՊ-ի շտաբում․ ըստ նախնական հաշվարկների՝ Փաշինյանի կուսակցությունն առաջատարն է․ ՈՒՂԻՂ
2023 թ-ին տրանսպորտի խնդիրը 70 տոկոսով կլուծվի. Հրաչյա Սարգսյան․ ՏԵՍԱՆՅՈՒԹ
Տնտեսություն
07.11.2022 | 12:02
2023 թվականի ընթացքում 70 տոկոսի չափով տրանսպորտի խնդիրը կլուծվի։ Այս մասին ԱԺ-ում լրագրողների հետ զրույցում հայտարարեց Երևանի քաղաքապետ Հրաչյա Սարգսյանը:
«Տրանսպորտի խնդիրը միայն տրանսպորտային միջոցների ձեռքբերումը չէ, բայց առաջնահերթ քայլերից մեկն է: Նաև պետք է երթևեկության կազմակերպումն իրականացնենք: Ակնկալում էինք, որ սեպտեմբերին կունենայինք կառավարման կենտրոնը: Կարծում եմ, որ մոտ 2-3 ամսից դա էլ կունենանք։
Մենք արդեն կնքված պայմանագիր ունենք MAN մակնիշի ավտոբուսների ձեռքբերման հետ կապված: Նոյեմբերին մեր գործընկերները կլինեն արդեն գործարանում: Համաձայն պայմանագրի՝ նախատեսվում է, որ 2023 թվականին 87 MAN ավտոբուսներն արդեն կլինեն Երևանում»,- նշեց քաղաքապետը:
Սարգսյանը նաև հիշեցրեց , որ այս տարի մրցույթ էր հայտարարվել «Ժոնգ տոնգ» մակնիշի 165 ավտոբուսների ձեռքբերման համար:
«165-ից 150-ն արդեն ամբողջությամբ պատրաստ են, 4-5 օրվա ընթացքում Չինաստանից կուղևորվեն Հայաստան: Ակնկալում ենք, որ մինչև դեկտեմբերի վերջ այդ ավտոբուսները կլինեն Երևանում և կշահագործվեն 2023թ-ից»,- նշեց քաղաքապետը:
Մանրամասները՝ տեսանյութում։
