18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ձեր տրամաբանությամբ, պարոն Ավինյանը ինձ զանգում ասում է՝ էս որոշումը էսպես անե՞նք. քաղաքապետ․ ՏԵՍԱՆՅՈՒԹ
Քաղաքականություն
07.11.2022 | 11:55
«Որոշում ունենք, որ քաղաքապետի թեկնածուն պարոն Ավինյանն է լինելու»,- ԱԺ-ում լրագրողների հետ ճեպազրույցում այս մասին նշեց Երևանի քաղաքապետ Հրաչյա Սարգսյանը։
«Այդ որոշմամբ շարժվում ենք առաջ, ոչ մի խնդիր չկա, նույնիսկ ես ասում էի՝ իմ պաշտոնավարման ընթացքում կան ծրագրեր, որոնք ես ցանկանում եմ, որպեսզի շարունակեմ, դրանք որպես այդպիսին չկանգնեն: Ծրագրերն իրականացնում եմ, կարծում եմ, որ ցանկացած դեպքում էստաֆետը միշտ պետք է փոխանցվի այլ անձի»,- նշեց Սարգսյանը:
Անդրադառնալով հարցին, թե արդյոք պատրաստվո՞ւմ է մնալ քաղաքապետարանում այն բանից հետո, երբ հրաժեշտ տա այդ պաշտոնին, Սարգսյանը դա հավանական չհամարեց՝ ասելով․ «Չեմ կարծում»: Նա նաև հավելեց, որ դեռ չի որոշել, թե ինչով է զբաղվելու հետագայում:
«Ինչ վերաբերում է որոշում կայացնելուն, բոլոր որոշումները կայացվում են իմ կողմից․․․ Ձեր տրամաբանությամբ, պարոն Ավինյանը ինձ զանգում ասում է՝ էս որոշումը էսպես պետք է կայացնե՞նք»,- լրագրողի հարցին ի պատասխան՝ ասաց քաղաքապետը։
Մանրամասները՝ տեսանյութում։
