19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Կրեմլը մեղմացնում է միջուկային հռետորաբանությունը․ISW
Քաղաքականություն
07.11.2022 | 12:51
Կրեմլի բարձրաստիճան պաշտոնյաները սկսել են մեղմացնել Ուկրաինայում միջուկային զենքի կիրառման իրենց հռետորաբանությունը: Այս մասին ասվում է ԱՄՆ Պատերազմի ուսումնասիրման ինստիտուտի (ISW) ուկրաինական պատերազմի այօրվա զեկույցում, գրում է BBC-ի ռուսական ծառայությունը։ Ինստիտուտի փորձագետների կարծիքով հռետորաբանության փոփոխությունը վկայում է այն մասին, որ ռուս բարձրաստիճան զինվորականներն ու Կրեմլի պաշտոնյաները, հավանաբար,ինչ-որ չափով գիտակցում են Ուկրաինայի կամ ՆԱՏՕ-ի երկրների դեմ միջուկային զենքի կիրառման հսկայական ծախսերն ու դրա արդյունքում իրենց փոքր օգուտները։
Մեծ Բրիտանիայում Ռուսաստանի դեսպան Անդրեյ Կելինը հոկտեմբերի 26-ին նշել էր, որ ՌԴ պաշտպանության նախարար Շոյգուն մի քանի անգամ զանգահարել է իր գործընկերներին՝ ըստ տեղեկությունների, վստահեցնելով նրանց, որ Ռուսաստանը շահագրգռված չէ Ուկրաինայի դեմ պատերազմում միջուկային զենք օգտագործելու մեջ:
Ըստ զեկույցի՝ Չինաստանը ևս կարող է Կրեմլի վրա ճնշում գործադրելու հարցում իր դերն ունենալ։ Նախագահ Սի Ցզինպինը նոյեմբերի 4-ին ասել էր, որ «միջազգային հանրությունը պետք է համատեղ դիմակայի միջուկային զենքի կիրառմանը կամ կիրառման սպառնալիքին։
Ինստիտուտի փորձագետները նշում են, որ ապագայում Կրեմլը միջուկային հռետորաբանությամբ ապագայում կարող է փորձել ԱՄՆ-ին ու դաշնակիցներին ստիպել Ուկրաինայի վրա ճնշում գործադրել բանակցությունների անցկացման համար, սակայն Կրեմլը չի կարող Կիևին ուղղակի ստիպել բանակցություններ վարել միջուկային սպառնալիքի միջոցով։
Էմմա Չոբանյան
