17.02.2026 | 17:51
Կաթողիկոսի եղբոր գործով դատական նիստին տեսանյութ հրապարակվեց․ ՏԵՍԱՆՅՈՒԹ
Երկուստեք կարևորել ենք Իրան-Հայաստան բարձրավոլտ երրորդ գծի կառուցման ծրագիրը. նախարարն ընդունել է դեսպանին
Տնտեսություն
04.06.2018 | 19:44
Այսօր ընդունել եմ Հայաստանի Հանրապետությունում Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջադիին. ֆեյսբուքի իր էջում գրել է ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը:
Քննարկել ենք Հայաստանի և Իրանի համար փոխադարձ հետաքրքրություն ներկայացնող, այդ թվում՝ ենթակառուցվածքային ծրագրերի ընթացքն ու ներդրումային նոր նախագծերի հնարավորությունները, համատեղ ծրագրերի կատարման ընթացքին և ընդլայնման հնարավորություններին վերաբերող մի շարք հարցեր: Անդրադարձել ենք հայ-իրանական միջկառավարական հանձնաժողովի 15-րդ նիստի շրջանակներում փոխըմբռնման հուշագրով նախատեսված ծրագրերի ընթացքին ու անելիքներին, գործունեության հետագա ակտիվացմանը:
Երկուստեք կարևորել ենք նաև Իրան-Հայաստան բարձրավոլտ երրորդ գծի կառուցման ծրագիրը,ինչպես նաև մտքեր ենք փոխանակել վերջինիս սահմանված ժամկետներում իրականացնելու կարևորության մասին։ Հանդիպման ավարտին դեսպանը նշեց, որ դեսպանությունը պատրաստակամ է էներգետիկ ենթակառուցվածքների ոլորտում ամրապնդել համագործակցությունը և խորացնել գործընկերային հարաբերությունները:
