16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Եվրամիության երկրներն Ուկրաինային 500 էներգոգեներատոր են ուղարկել
Քաղաքականություն
05.11.2022 | 16:31
Եվրամիության 17 երկրներ Ուկրաինային 500 էներգոգեներատոր են ուղարկել՝ էլեկտրականության կանոնավոր անջատումների ֆոնին երկրին աջակցելու համար, BBC-ի փոխանցմամբ՝ հայտնում է Եվրոպական քաղաքացիական պաշտպանության և մարդասիրական օգնության գործողությունների գլխավոր վարչությունը:
«Ուկրաինայի էներգետիկ ենթակառուցվածքը լրջորեն վնասվել է»,- որոշումը բացատրել է օգնության տրամադրման գործակալությունը:
Էներգառեսուրսներ ուղարկած երկրների թվում են Ֆրանսիան, Գերմանիան, Շվեդիան, Իսպանիան, Իտալիան, Սլովենիան, Սլովակիան, Դանիան և այլն: Եվրոպական քաղաքացիական պաշտպանության վարչությունը հանդես է գալիս որպես միջնորդ, որն օգնում է առաքումների իրականացմանը։
Ռուսական բանակը հոկտեմբերի կեսերից հարվածներ է հասցնում Ուկրաինական էներգետիկ ենթակառուցվածքին։ Ավելի վաղ Ուկրաինայի նախագահ Վլադիմիր Զելենսկին ասել էր, որ հարձակումները հանգեցրել են երկրի էներգաբլոկների մոտ 40 տոկոսի վնասմանը։
Ուկրաինայի իշխանությունները էլեկտրաէներգիայի պլանային անջատումների ժամանակացույց են սահմանել։ Պիկ ժամերին քաղաքացիներին կոչ են անում չօգտագործել էլեկտրական սարքեր, քաղաքներում անջատում են փողոցային լուսավորությունը և դադարեցնում տրոլեյբուսների երթևեկությունը։ Նոյեմբերի 4-ի առավոտյան Կիևում առանց էլեկտրականության է մնացել մոտ 450 հազար բնակիչ։ Կիևի քաղաքապետ Վիտալի Կլիչկոյի խոսքով՝ դա մեկուկես անգամ ավելի է, քան նախորդ օրերին։
