08.06.2026 | 06:48
1299 ընտրատեղամասերում քվեարկության նախնական արդյունքները․ ԿԸՀ
Փորձել են ապօրինի հատել Վրաստանի սահմանը և միգրանտ տեղափոխել․ կան ձերբակալվածներ
Քաղաքականություն
05.11.2022 | 15:20
Ներքին գործերի նախարարության պարեկային ոստիկանության վարչության սահմանային կառավարման և համակարգման գլխավոր բաժնի և պարեկային ոստիկանության Աջարիայի գլխավոր բաժնի քննչական բաժանմունքի ծառայողները ձերբակալել են օտարերկրյա երկու քաղաքացի՝ 1971 թվականին ծնված Ս.Ք.-ին և 1990 թվականին ծնված Ս.Հ.-ին՝ Սարփիի սահմանային անցակետում․ գրում է Վրաստանի Առաջին ալիքը։
Ըստ ՆԳՆ-ի, Ս.Ք-ին՝ Վրաստանի պետական սահմանին միգրանտին ապօրինի տեղափոխելու փորձի մեղադրանքով, իսկ Ս.Հ.-ին՝ Վրաստանի պետական սահմանը ապօրինի հատելու փորձի համար։
«Քննությամբ պարզվել է, որ Ս.Ք.-ն իր մեքենայով փորձել է Ս.Հ.-ին տեղափոխել՝ սահմանային անցակետը շրջանցելով: Ոստիկանությունը երկու տղամարդկանց էլ որպես մեղադրյալ բերման է ենթարկել։
Հանցագործությունը պատժվում է ազատազրկմամբ՝ առավելագույնը 5 տարի ժամկետով։
«Վրաստանի պետական սահմանին միգրանտի ապօրինի տեղափոխման և Վրաստանի պետական սահմանը ապօրինի հատելու փորձի փաստերի հետաքննությունն իրականացվում է Վրաստանի Քրեական օրենսգրքի 19-344 և 344 հոդվածներով», – ասված է տեղեկության մեջ:
