18.08.2026 | 13:50
Արեգնազ Մանուկյանի և դստեր հանդիպման արգելքի մասին տեղեկություն ենք ուզել իրավապահներից. Մինասյան․ ՏԵՍԱՆՅՈՒԹ
Ադրբեջանի ՊՆ ղեկավարն այցելել է Հայաստանի հետ սահմանին տեղակայված զորամասեր
Քաղաքականություն
04.11.2022 | 18:54
Ադբեջանի պաշտպանության նախարար Զաքիր Հասանովը գերատեսչության այլ բարձրաստիճան պաշտոնյաների հետ այցելել է զորամասեր, որոնք տեղակայված են Հայաստանի հետ սահմանին, գրում են ադրբեջանական լրատվամիջոցները։
Նշվում է, որ Հասանովը ծանոթացել է նոր շահագործման հանձնված զորամասում ստեղծված պայմաններին։ Նախարարին զեկուցվել է, որ զորամասն ունի բոլոր անհրաժեշտ պայմանները զինվորական ծառայությունը բարձր մակարդակով կազմակերպելու համար։ Հասանովը ծանոթացել է նաև մարտական դիրքերում զինծառայողների ծառայությանը։
Հաղորդվում է, որ Ադրբեջանի ՊՆ ղեկավարը նաև համապատասխան հանձնարարականներ է տվել զորքերի մարտական հերթապահության և ծառայության կազմակերպման, զինծառայողների սոցիալ-կենցաղային պայմանների հետագա բարելավման վերաբերյալ։
Ի դեպ, չի նշվում, թե Հայաստանի հետ սահմանի կոնկրետ որ հատվածներ է այցելել ադրբեջանցի պաշտոնյան։
Էմմա Չոբանյան
