31.10.2026 | 12:28
Վահան Բիչախչյանը խաղադաշտ է վերադարձել շուրջ 3 ամսվա ընդմիջումից հետո
Մոտակա 1-2 օրում ապաշրջափակում հնարավոր է կատարվի, եթե Ադրբեջանն անկեղծ է՝ միջանցքային պահանջ չլինի․ Արմեն Գրիգորյան․ ՏԵՍԱՆՅՈՒԹ
Քաղաքականություն
04.11.2022 | 21:17
Ե՛վ ՌԴ փոխվարչապետ Օվերչուկը, և Ադրբեջանի փոխվարչապետ Շահին Մուստաֆաևը վերջերս հայտարարեցին, որ ապաշրջափակվելիք ճանապարհները լինելու են տվյալ պետության սուվերենության ներքո:
Մոստաֆաևն ասել է՝ տրանսպորտային միջանցքը արտատարածքայնության հետ կապ չունի, բայց պնդել է՝ ըստ նոյեմբերի 9-ի հայտարարության՝ ՀՀ տարածքով հաղորդակցության վերահսկողությունը պիտի իրականացնի ՌԴ ԱԴԾ-ն, մինչդեռ պարոն Փաշինյանն ասաց՝ ըստ Վլադիմիր Պուտինի հրամանագրի՝ ԱԴԾ-ն պետք է վերահսկի ՀՀ-ի կողմից իր պարտավորությունների կատարումը։ Այստե՞ղ է հիմնական տարակարծությունը, որ չի ստացվում համաձայնության գալ։
Factor TV-ի հարցազրույցում ՀՀ ԱԽ քարտուղար Արմեն Գրիգորյանը պարզաբանում է, որ դա ոչ թե տարակարծություն է, այլ պայմանավորվածություններից դուրս գալու գործընթաց․ «Այսինքն՝ նոյեմբերի 9-ին մենք մի բան ենք պայմանավորվել, բայց Ադրբեջանը միջազգային հանրությանն այլ բան է փորձում ներկայացնել և տպավորություն ստեղծել, որ կան այլ պայմանավորվածություններ։
Եթե Ադրբեջանի կողմն անկեղծ է, մոտակա 1-2 օրվա ընթացքում հնարավոր է ապաշրջափակում կատարել, եթե նրանք միջանցքային տրամաբանությամբ պահանջներ չներկայացնեն»,- հայտարարեց ՀՀ ԱԽ քարտուղարը։
Մանրամասները՝ տեսանյութում։
