31.10.2026 | 12:28
Վահան Բիչախչյանը խաղադաշտ է վերադարձել շուրջ 3 ամսավաընդմիջումից հետո
Չինաստանը շարունակում է պատրաստվել հնարավոր պատերազմի
Քաղաքականություն
04.11.2022 | 20:54
Չինաստանի Ժողովրդական ազատագրական բանակը շարունակում է պատրաստվել հնարավոր պատերազմի և կտրականապես դեմ է Թայվանում անջատողականության ցանկացած ձևի։ Այս մասին ասել է Չինաստանի Պաշտպանության նախարարության խոսնակ Թան Կեֆեյը, գրում է ՌԻԱ Նովոստին։
«Դա ՉԺՀ-ի ներքին գործն է, որը չի հանդուրժում որևէ արտաքին միջամտություն: Ներկայում ԱՄՆ-ը մշտապես նսեմացնում է «մեկ Չինաստան» սկզբունքը և անցնում է բոլոր սահմանները՝ փորձելով Թայվանն օգտագործել՝ Չինաստանին վերահսկելու համար»: Այս ամենը կոպտորեն խախտում է Չինաստանի ինքնիշխանությունն ու տարածքային ամբողջականությունը, ինչպես նաև լուրջ սպառնալիք է Թայվանի նեղուցում խաղաղության և կայունության համար»,- ասել է նա՝ մեկնաբանելով ԱՄՆ ազգային պաշտպանության ռազմավարության մասին զեկույցը։
Հոկտեմբերի վերջին Պենտագոնը հրապարակեց ազգային պաշտպանության ռազմավարությունը։ Դրանում նշվում է, որ ԱՄՆ-ն իր խնդիրն է տեսնում միջուկային պատերազմի ռիսկերի նվազեցման մեջ, և այդ նպատակին հասնելու համար կձգտի համագործակցել միջուկային այլ տերությունների հետ։
Պենտագոնի ղեկավար Լլոյդ Օսթինը, մեկնաբանելով փաստաթուղթը, նշել է, որ «ՉԺՀ-ն միակ մրցակիցն է, որը մտադիր է վերափոխել միջազգային կարգը, և որն ունի դրա համար աճող ուժ»:
Տաթև Ֆռանգյան
