17.12.2025 | 20:00
Եթե ընդդիմությունը ՌԴ-ի երգն է երգում, այո՛, թիրախավորվելու է իբրև հիբրիդային սպառնալիք․ Էդգար Խաչատրյան. ՏԵՍԱՆՅՈՒԹ
Նախարարի տեղակալը Ժնևում ներկայացրել է 2021թ․ կլիմայական իրավիճակների փոփոխությունը Հայաստանում
04.11.2022 | 17:10
Շրջակա միջավայրի նախարարի տեղակալ Տիգրան Գաբրիելյանը մասնակցել է Ժնևում ընթացող «Ազգային հիդրոօդերևութաբանական ծառայությունների ապագա դերը՝ առաջնորդություն և կառավարում» խորագրով համաժողովին․ տեղեկացնում են ՇՄՆ-ից։
Նոյեմբերի 2-ին Համաշխարհային օդերևութաբանական կազմակերպության կենտրոնակայանում (ք․ Ժնև) մեկնարկել է ՀՕԿ Տարածաշրջանային ասոցիացիա VI-ի տարածաշրջանային համաժողովը (RECO)՝ «Ազգային հիդրոօդերևութաբանական ծառայությունների ապագա դերը՝ առաջնորդություն և կառավարում» խորագրով։ Համաժողովը կտևի մինչև սույն թվականի նոյեմբերի 4-ը։
Այլ երկրների պատվիրակների հետ միասին Համաժողովին ՀՕԿ գլխավոր քարտուղար Փ․ Թաալասի հրավերով մասնակցում է նաև Շրջակա միջավայրի նախարարության պատվիրակությունը՝ նախարարի տեղակալ Տիգրան Գաբրիելյանի գլխավորությամբ։ Համաժողովի աշխատանքներին մասնակցում են նաև «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի ժամանակավոր պաշտոնակատար Լևոն Ազիզյանը և ՀՄԿ ՊՈԱԿ-ի տնօրենի գլխավոր խորհրդական Վալենտինա Գրիգորյանը։
Համաժողովի նպատակն է հնարավորություն ընձեռել քննարկելու ՀՕԿ Տվյալների միասնական քաղաքականության հաստատումը։
Տվյալների միավորումը ենթադրում է ազգային մակարդակով նոր գործընկերությունների ստեղծում, որոնք պետք է աջակցություն ստանան գործընկերությունների և տարածաշրջանային մակարդակում մասնավոր և ակադեմիական հատվածների ներգրավվածության միջոցով: Այս համատեքստում քննարկվելու է Ազգային օդերևութաբանական և հիդրոլոգիական ծառայությունների ապագա դերը, ինչպես նաև համապատասխան օրենսդրության և ենթակառուցվածքների հարմարվողանակությունը։
ՀՕԿ Տարածաշրջանային ասոցիացիա VI-ի (Եվրոպա) տարածաշրջանային համաժողովի շրջանակներում (RECO 2022) ներկայացվել է «2021թ․ կլիմայական իրավիճակների փոփոխությունը Եվրոպայում» թեմայով զեկույցը։ Զեկույցը գիտականահեն քաղաքականության տարեկան զեկույցի առաջին հրատարակությունն է։
Զեկույցում ամփոփված է կլիմայի հիմնական ցուցանիշների կարգավիճակը՝ օգտագործելով ՀՕԿ անդամների և գործընկեր կազմակերպությունների մոնիթորինգի օպերատիվ համակարգերը, որոնք ներառում են ՄԱԿ-ի գործակալությունների՝ ազդեցության, ռիսկերի և քաղաքականության վերաբերյալ վերջին տվյալների և տեղեկատվության վերլուծությունը: Այն անդրադառնում է գիտաֆիզիկական, սոցիալ-տնտեսական և քաղաքական հատուկ ասպեկտների, որոնք առնչվում են ՀՕԿ Տարածաշրջանային ասոցիացիա VI (Եվրոպա) շրջանակին և բավարարում է կլիմայի մոնիթորինգի, փոփոխության և կլիմայի ծառայությունների ոլորտում ՀՕԿ անդամների կարիքները։ Զեկույցում նաև կիրառվում են Կլիմայի փոփոխության հարցերով միջկառավարական հանձնաժողովի (IPCC) զեկույցների և Կոպեռնիկուսի Եվրոպայի կլիմայական իրավիճակների փոփոխությունների վերաբերյալ վերջին արդյունքները։ Այս համատեղ հրատարակումը ընդգծում է կլիմայական գործողությունները խթանելու համագործակցությունը: Գիտության վրա հիմնված քաղաքականության այս զեկույցը տրամադրում է կլիմայի ցուցանիշների տարեկան մոնիթորինգ՝ ռիսկերի, գործողությունների և ազդեցության վերաբերյալ հաղորդագրություններով, որոնք հիմնված են Կլիմայի տարածաշրջանային կենտրոնների, Ազգային օդերևութաբանական և հիդրոլոգիական ծառայությունների և ՄԱԿ-ի գործակալությունների հեղինակավոր տվյալների վրա։
Զեկույցի շնորհանդեսի ժամանակ ելույթով հանդես է եկել նաև նախարարի տեղակալ Տիգրան Գաբրիելյանը՝ ներկայացնելով 2021թ․ կլիմայական իրավիճակների փոփոխությունը Հայաստանի Հանրապետությունում։
Համաժողովը կտրամադրի կոնսենսուսի վրա հիմնված Խորհրդատվական փաստաթուղթ՝ 2023 թվականին (Համաշխարհային օդերևութաբանական կոնգրեսի առաջիկա նիստից առաջ կամ հետո) կայանալիք բարձր մակարդակի նախարարական միջոցառմանը պատրաստվելու համար։
