27.02.2026 | 12:00
Աննա Հակոբյանը հեռանում է կառավարական առանձնատնից // Զինվորի մահվան դեպքով ձերբակալված կա. ԼՈՒՐԵՐ
Գերմանիայի կանցլերը «ոչ միանշանակ» այցով Չինաստան է մեկնել
Քաղաքականություն
04.11.2022 | 19:25
Գերմանիայի կանցլեր Օլաֆ Շոլցն այցով Չինաստանում է։ Նա դարձել է առաջին արևմտյան առաջնորդը, որը երեք տարվա ընթացքում առաջին անգամ այցելել է Չինաստան։ Այս ուղևորության փաստն արդեն իսկ արժանացել է բազմաթիվ քննադատությունների, գրում է Euronews-ը:
Պեկինը հրաժարվել է դատապարտել Մոսկվային Ուկրաինա ներխուժելու համար և պաշտոնապես աջակցել է Կրեմլի պնդումներին, որ հակամարտությունը սնուցվել է ԱՄՆ-ի և ՆԱՏՕ-ի քաղաքականությամբ:
Չինաստանի նախագահ Սի Ցզինպինի անձնական իշխանության աճը նույնպես անհանգստություն է առաջացնում Արևմուտքում, ինչպես նաև Թայվանի շուրջ աճող լարվածությունը:
Այնուամենայնիվ, Չինաստանը շարունակում է մնալ Գերմանիայի ամենամեծ առևտրային գործընկերը, և այս փաստը նույնպես այժմ քննադատության է արժանանում. Գերմանիայի կառավարության մի շարք փորձագետներ և «կանաչների» ներկայացուցիչներ պնդում են, որ Բեռլինն անում է նույն սխալը, ինչ Ռուսաստանի դեպքում՝ կախվածության մեջ է մտնում երկրից, որը կարող է հանկարծակի դադարել բարեկամ լինել: Հատկապես սկանդալային էր Համբուրգի նավահանգստի տերմինալներից մեկը Չինաստանին վաճառելու որոշումը, որն աշխարհում ամենամեծերից է և Շոլցի հայրենի քաղաքի տերմինալներից մեկը։
Տաթև Ֆռանգյան
