27.07.2026 | 11:45
Լիազորությունները դադարեցված դատավորը վերականգնել է փաստաբանի արտոնագիրը
Իրանի խորհրդարանի նախագահը հրաժարվել է Բաքու նախատեսված այցից, փոխարենը կժամանի Երևան․ ԶԼՄ
Քաղաքականություն
04.11.2022 | 13:48
Իրանի խորհրդարանի խոսնակ Մոհամմադ Բաղեր Ղալիբաֆը հրաժարվել է Ադրբեջանի նախատեսված այցից։ Այս մասին հայտնում է ադրբեջանական Oxu.az քարոզչական լրատվականը։
Ավելի վաղ Իրանի ԱԳ նախարար Հոսեյն Ամիր Ադբոլլահիանը Ադրբեջանի ԱԳ նախարար Ջեյհուն Բայրամովի հետ հեռախոսազրույցում հայտնել էր, որ Ղարիբաֆը պատրաստվում է այցելել Բաքու։
Այժմ Oxu.az-ը, վկայակոչելով իր դիվանագիտական աղբյուրներին, նշում է, որ Մոհամմադ Բաղեր Ղալիբաֆը հրաժարվել է ժամանել Ադրբեջան, փոխարենը որոշել է այցելել Երևան։
Բաքվում Իրանի դեսպանատնից հաստատել են, որ Ղալիբաֆի՝ Ադրբեջան կատարելիք այցը հետաձգվել է։ Դեսպանատան մամուլի ծառայությունից այցի հետաձգման պատճառը չեն հայտնել՝ նշելով միայն, որ այն տեղի կունենա ավելի հարմար ժամանակ։
Հավելենք, որ Իրանի և Ադրբեջանի հարաբերությունների լարվածության ֆոնին ադրբեջանական քարոզչական դաշտն ու լրատվամիջոցները շարունակում են հակաիրանական տրամադրություններ հրահրել ու տարածել։
Իրանական IRNA գործակալությունն էլ ավելի վաղ հայտնել էր, որ Իրանը պաշտոնապես Ադրբեջանի նախագահ Իլհամ Ալիևին հրավիրել է այցելել Թեհրան, սակայն Բաքուն դեռևս ձգձգում է հրավերի ընդունումը։
Էմմա Չոբանյան
