Հասարակություն
04.11.2022 | 14:54
Նոյեմբերի 4-ին, ժամը 10:20-ին Արմավիրի մարզային ճգնաժամային կառավարման կենտրոն ահազանգ է ստացվել, որ Նորապատ գյուղի Երևանյան փողոցում տեղի է ունեցել ՃՏՊ․ կա արգելափակված քաղաքացի:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բախվել են «Toyota Camry» (վարորդ՝ Գ․ Ս․) և «Opel» (վարորդ՝ Ա․ Մ․) մակնիշների ավտոմեքենաները․ Ա․ Մ․-ն արգելափակվել է ավտոմեքենայում։
Փրկարարները հոսանքազրկել են ավտոմեքենաները, փակել գազի բալոնների փականները և սահմանազատել տարածքը:
Փրկարարները Ա․ Մ․-ին դուրս են բերել ավտոմեքենայից․ տուժածը հոսպիտալացվել է Արմավիր քաղաքի ԲԿ, որտեղ բժիշկները նրա առողջական վիճակը գնահատել են բավարար։
