21.04.2026 | 10:28
Ադրբեջանն այսօր դիզվառելիքի ևս մեկ խմբաքանակ կուղարկի Հայաստան
Բաքվում ԱՄՆ դեսպանատունը կոչ է անում Ադրբեջանի իշխանություններին՝ հարգել խաղաղ հավաքներ անցկացնելու քաղաքացիների իրավունքը
Քաղաքականություն
04.11.2022 | 13:02
Բաքվում ԱՄՆ դեսպանատունը մտահոգություն է հայտնել Ադրբեջանում խաղաղ հավաքների անցկացման խոչընդոտների կապակցությամբ։
«Մենք նախկինի պես անհանգստացած ենք Ադրբեջանում իրենց սահմանադրական իրավունքներն իրացնող անձանց նկատմամբ ճնշումների կապակցությամբ։ Կոչ ենք անում կառավարությանը՝ հարգել իրենց քաղաքացիների իրավունքները, այդ թվում՝ խաղաղ հավաքներ անցկացնելու իրավունքը»,- Թուրան գործակալության հարցին ի պատասխան՝ հայտարարել է ԱՄՆ դեսպանատան մամուլի քարտուղար Էլիս Սփենսլին։
Նշենք, որ Ադրբեջանի իշխանություններն արգելում են քաղաքական ընդդիմության և քաղաքացիական տարբեր խմբերի կողմից բողոքի ակցիաների ու հավաքների անցկացումը, որը հակասում է Ադրբեջանի Սահմանադրությանն ու Հավաքների մասին օրենքին, իսկ ցանկացած ակցիայի փորձ բռնի ուժով ճնշվում է ոստիկանության կողմից։
Մասնավորապես, սեպտեմբերի 30-ին և հոկտեմբերի 24-ին ընդդիմությունը փորձել էր Միլի Մեջլիսի ու Բաքվի քաղաքապետարանի մոտ հանրահավաքներ անցկացնել, սակայն ոստիկանությունն ուժի կիրառմամբ կասեցրել էր այն և ձերբակալել կազմակերպիչներին ու մասնակիցներին։
Էմմա Չոբանյան
