13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ՌԴ ԱԽ քարտուղարը հանդիպումներ է ունեցել իր հայ և ադրբեջանցի գործընկերների հետ
Քաղաքականություն
03.11.2022 | 18:51
ՌԴ Անվտանգության խորհրդի քարտուղար Նիկոլայ Պատրուշևը Մոսկվայում երկկողմ հանդիպումներ է ունեցել իր հայ և ադրբեջանցի գործընկերների հետ, որոնց ընթացքում, ի թիվս այլ հարցերի, քննարկվել են տարածաշրջանային անվտանգության հարցեր։ Այս մասին հայտնում է ՌԴ Անվտանգության խորհրդի մամուլի ծառայությունը, գրում է ՌԻԱ Նովոստին։
Բանակցությունները տեղի են ունեցել Ռուսաստանի մայրաքաղաքում ընթացող ԱՊՀ երկրների Անվտանգության խորհուրդների քարտուղարների տասներորդ տարեկան հանդիպման շրջանակում։
«Ադրբեջանի Անվտանգության խորհրդի քարտուղար Ռամիլ Ուսուբովի հետ քննարկվել են տարածաշրջանային անվտանգության մի շարք հարցեր, ինչպես նաև տեղեկատվական անվտանգության և ահաբեկչության դեմ պայքարի ոլորտում ռուս-ադրբեջանական համագործակցության հետագա միջոցառումները»,- ասվում է հայտարարության մեջ։
Նշվում է, որ զրուցակիցները ստորագրել են երկու երկրների Անվտանգության խորհուրդների միջոցով 2023-2024 թվականների համագործակցության ծրագիր՝ ընդգծելով, որ այդ ծրագրի իրականացումը կծառայի Ռուսաստանի և Ադրբեջանի միջև դաշնակցային հարաբերությունների ամրապնդմանը։
«ՀՀ Անվտանգության խորհրդի քարտուղար Արմեն Գրիգորյանի հետ քննարկվել են ազգային և տարածաշրջանային անվտանգության հարցերի լայն շրջանակ, ինչպես նաև ՀԱՊԿ շրջանակում փոխգործակցության հարցեր»,- ասվում է հաղորդագրության մեջ։
Տաթև Ֆռանգյան
