27.07.2026 | 13:47
Ղազախստանը պատրաստ է ընդլայնել արդյունաբերական ապրանքների մատակարարումները Հայաստան
Թուրք գեներալն Ադրբեջանում մասնակցում է Իրանի հետ սահմանին անցկացվող զորավարժություններին
Քաղաքականություն
03.11.2022 | 19:37
Ադրբեջանում Թուրքիայի ԶՈՒ հատուկ նշանակության խմբավորման հրամանատար, գեներալ-գնդապետ Բահթիյար Էրսայը մասնակցում է Իրանի հետ սահմանին ադրբեջանական հատուկ նշանակության ուժերի զորավարժություններին։ Էրսային կարելի է տեսնել զորավարժությունների մասին Ադրբեջանի ՊՆ-ի հրապարակած լուսանկարներում։
Էրսայն Ադրբեջանի ՊՆ ղեկավար Զաքիր Հասանովի հետ եղել է հարավային շրջաններում։
Հասանովն ու Էրսայը հանդիպել են հատուկ նշանակության ջոկատների հետ, ստուգել Ադրբեջանի հարավային շրջաններում տեղակայված զորամասերի և կազմավորումների մարտական պատրաստվածությունը։
Նշենք, որ Ադրբեջանի հատուկ նշանակության ուժերը զորավարժությունները սկսել են նախօրեին։
Ի դեպ, Բահթիյար Էրսայն Արցախյան 44-օրյա պատերազմի կարևոր դերակատարներից է։ Նա պատերազմի ամբողջ ընթացքում Ադրբեջանում է եղել, ծրագրել ու ղեկավարել է ռազմական գործողությունները։
Էմմա Չոբանյան
