14.12.2025 | 17:25
Իրավիճակը ճանապարհներին՝ 17։15-ի դրությամբ
Թվերի անճշտություն է եղել․ Ավինյանը պարզաբանում է ՔՊ-ում տեղի ունեցած սկանդալը․ ՏԵՍԱՆՅՈՒԹ
Քաղաքականություն
03.11.2022 | 18:04
«Քաղաքացիական պայմանագիր» կուսակցության վարչության ընտրությունների արդյունքները միանշանակ չեն ընդունվել կուսակցությունում և վերահաշվարկի դիմում են ներկայացրել։ Կան տեղեկություններ, որ ընտրությունները կեղծվել են, որի հետևանքով՝ ՔՊ խմբակցության ղեկավար Հայկ Կոնջորյանը և փոխվարչապետ Համբարձում Մաթևոսյանը կարող են դուրս մնալ վարչության կազմից, նրանց փոխարեն քվեներով առաջ են անցել Արսեն Թորոսյանն ու Արմեն Փամբուխչյանը։
««Քաղաքացիական պայմանագրի» մի քանի անդամի պահանջով տեղի է ունեցել վերահաշվարկ, որի արդյունքում որոշակի փոփոխություններ են եղել, այդ հարցը կքննարկվի այսօր ՔՊ վարչության նիստում։ Քվեարկության արդյունքները՝ թվերը իրար բավականին մոտ են եղել, քվեաթերթիկների անճշտություններ կային, որոնք կազմակերպչական և տեխնիկական պատճառով են եղել»,- ասաց Ավինյանը։
Հարցին՝ դիտավորություն չի՞ եղել արդյոք, Ավինյանն արձագանքեց․ «Ես նման գնահատական չեմ կարող տալ։ Սխալմունքի հավանականությունը մեծ է։ Դիտավորությունը լինում է ճշգրիտ, իսկ երբ որ թվերի մեջ անճշտություն կա, ավելի հավանական է, որ տեխնիկական խոտանի խնդիր է եղել»։
Դիտարկմանը, որ Արփինե Դավոյանն է մեղադրվում ընտրական այդ խժդժությունների հետևում, Ավինյանը պատասխանեց․ «Ես առաջին անգամ ձեզնից եմ լսում այդ մասին»։
Մանրամասները՝ տեսանյութում։
