08.06.2026 | 03:45
Ես բացառում եմ, որ ՔՊ-ն ընտրակեղծարարության մեջ ներգրավված լինի. Փաշինյան․ ՏԵՍԱՆՅՈՒԹ
Շոլցը փոխել է դիրքորոշումն ու կարևորում է ՌԴ-ի հետ երկխոսությունը․ Էրդողան
Քաղաքականություն
03.11.2022 | 17:48
Թուրքիայի նախագահ Ռեջեփ Թայիփ Էրդողանը հայտարարել է, որ Գերմանիայի կանցլեր Օլաֆ Շոլցը փոխել է իր դիրքորոշումը Ռուսաստանի նախագահ Վլադիմիր Պուտինի նկատմամբ։ Էրդողանի խոսքերն իր Twitter-ում մեջբերում է Daily Sabah-ը, փոխանցում է Meduza-ն։
«Բարձր դիվանագիտությունը կարևոր նշանակություն ունի խնդիրների լուծման համար: Նույնիսկ Գերմանիայի կանցլեր Շոլցը մեկ ամիս առաջ Պուտինի նկատմամբ բոլորովին այլ դիրքորոշում ուներ, իսկ այժմ փոխել է այն Ռուսաստանի նկատմամբ՝ նշելով երկխոսության կարևորությունը»,- ասել է Էրդողանը։
Թուրքիայի նախագահն այդ մասին հայտարարել է նոյեմբերի 2-ին Շոլցի և Պուտինի հետ առանձին հեռախոսազրույցներից հետո, որոնց ընթացքում քննարկել է ուկրաինական նավահանգիստներից հացահատիկի արտահանման հարցը։
Հոկտեմբերին Կրեմլը հայտարարեց, որ Շոլցը, ինչպես և Ֆրանսիայի նախագահ Էմանուել Մակրոնը, «վերջին ժամանակներս ցանկություն չեն հայտնել ինչ-որ կերպ լսել ռուսական կողմի դիրքորոշումը», ինչպես նաև մասնակցել միջնորդական ջանքերին, ուստի «նրանց հետ ավելի քիչ են շփումներ եղել»:
Հոկտեմբերին Թուրքիայի նախագահ Ռեջեփ Թայիփ Էրդողանը Պրահայում կայացած գագաթնաժողովում հայտարարել էր, որ ինքը միակ առաջնորդն է, ով «բաց երկխոսություն» է վարել ինչպես Ռուսաստանի, այնպես էլ Ուկրաինայի հետ:
Տաթև Ֆռանգյան
