15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Ռուս հեռուստահաղորդավար Անդրեյ Կարաուլովը հայտնել է իր տան խուզարկության մասին
Քաղաքականություն
03.11.2022 | 19:08
Ռուս լրագրող և հեռուստահաղորդավար Անդրեյ Կարաուլովը հայտնել է, որ իր տունը խուզարկվում է զրպարտության գործով։ Նա պնդում է, որ «Ռոստեխի» պետական կորպորացիայի ղեկավար Սերգեյ Չեմեզովի պահանջով հարուցված քրեական գործով կատարվում են քննչական գործողություններ։
«Ատրճանակներով զինված մարդիկ փորձել են անկյունահղկիչով կտրել դարպասը»,- գրել է Կարաուլովը Telegram-ի իր ալիքում։
Նրա խոսքով՝ տան բոլոր հեռախոսները, «նույնիսկ իր զոքանչի հեռախոսը» չեն պատասխանում։ Լրագրողը պնդում է, որ խուզարկությունն իրականացվում է «Սերգեյ Չեմեզովի հայտարարության համաձայն՝ «Զրպարտություն» հոդվածով»։ Ռոստեխը դեռ չի մեկնաբանել այս հաղորդագրությունը։
«Պիեսը կոչվում է՝ «Քսենյա Սոբչակ, ակտ երկրորդ»: Սոբչակի հետ չստացվեց, նրանք անցնում են Կարաուլովին: Դատախազներից ով է լիազորագրել այս հիմարությունը և ինչ կարելի է գտնել «Զրպարտություն» հոդվածի տակ, չեմ հասկանում»,- գրել է Կարաուլովը։
Հոկտեմբերի վերջին լրագրող Քսենյա Սոբչակը Ռուսաստանից Լիտվա է մեկնել այն բանից հետո, երբ նրա կոմերցիոն տնօրեն Կիրիլ Սուխանովը մեղադրվել է շորթման մեջ։
Ըստ The Bell-ի՝ նախօրեին Կարաուլովը եթերում ենթադրել է, որ Չեմեզովի դերը «լրագրողների դեմ քրեական գործերում սադրանք է հենց Ռոստեխի ղեկավարի դեմ»։ Դատարանում ընթերցված գործի նյութերից պարզվել է, որ Սուխանովը մեղադրվում է Չեմեզովից 11 մլն ռուբլի շորթելու մեջ։
Անդրեյ Կարաուլովն անվտանգության ուժերի կողմից խուզարկությունները կապում է «Ռոստեխի» ղեկավար Սերգեյ Չեմեզովի կողմից զրպարտության մեջ մեղադրանքների հետ։ Կարաուլովն իսկապես հաճախ է նրան քննադատում, իսկ քննադատության հարթակներից մեկը հենց նրա Telegram ալիքն է։
Տաթև Ֆռանգյան
